VOV4. K’ho - Drim òr 02/02, tàm càr lơgar Hà Nội, Mpồl đơng lam Đảng Cộng sản dà lơgar Việt Nam, Gơnuar ala mat dà lơgar, Kuang atbồ lơgar, Gơnuar atbồ lơgar, Anih duh broă Gah tề lam gùng dră bal dà lơgar Việt Nam mờ [òn dờng Hà Nội yu\ rơ yùm bơyai lơh dơ\ tơngkah 85 nam Ngai crơng gơs Đảng Cộng sản Việt Nam 3/2. Tàm dơ\ bơyai lơh tơngkah, ồng Nguyễn Phú Trọng kuang atbồ đơng lam Đảng dà lơgar, đơs uă ală bơhiàn kuơmàng bơh Đảng he dê mờ tu\ do bol he geh kơ nòl pal ai pràn sền gàr mờ bơtàu tơnguh. Hơ\ là bơhiàn dùl nùs sùm mờ bơta kuơ bơh jơi bơtiàn mờ rơnàng cau dê, kơ\ dơn jơnau kờ`, nùs nhơm bồ tơngoh ngăp lơngai is gơ jăt bal mờ rài làng bol lơh tờm mpồl bơtiàn ring bal tàm bơta geh bơh sơn rờp jăt gùng dà Marx- Lenin mờ nùs nhơm bồ tơngoh Bác Hồ dê. Là bơhiàn gàr kơ\ bơta ngăp lơngai is, rcăng lài is bè gùng dà; gi\t kơ\, jăt ngui mờ bơtàu tơnguh bơceh pa gùng dà Marx- Lenin, lùp bơsram bơta mờng chài bơh dunia dê nàng tơlik gùng dà dipal mờ lam mu\t lơh geh cồng nha ală kơnòl broă kăc màng. Bơhiàn tam klăc đềt mềr bal đah Đảng mờ làng bol, sùm sùm ai broă lơh broă làng bol in là jơnau kuơ tàm rài kis, mờ jơnau kờn lơh ngan. Bơhiàn tam klăc ring bal, geh mpồl đơng lam, mờ lơh glài kràn tàm bơta geh bơh sơn rờp kơr nuăt pal jăt làng bol lơh tờm uă, đơs tìs di is, đơs tìs di mờ bơta kờn gơboh oh mi kuang bàng bal. Bơhiàn tam klăc mờ dunia ờ tu\ lơi tam gơl, song dơ pă jăt tàm ală kơr nuăt pal jăt mờ jơnau kờn dờng màng ngan.