VOV4.K’ho- Drim do, 26/01, pơrjum dờng cau ala mat gùt lơgar dơ\ 13 bơh Đảng dê yu\ rơyùm geh mut lơh tàm tiah tờm pơrjum dà lơgar, càr lơgar Hà Nội mờ bơta tus bal bơh 1 rbô 587 nă cau, ala mat rlau 5 tơlak 100 rbô nă Đảng viên tàm gùt Đảng.

Pơrjum dờng dơ\ 13 là dùl tềl kuơmàng tàm tơngai bơtàu tơnguh bơh Đảng, jơi bơtìan he, dà lơgar he dê. Pơrjum dờng geh lơh tàm tu\ dà lơgar ờ hềt tu\ lơi geh bơta [uơn, bơta pràn, bơngă mờ bơta pin dờn dunia bè tu\ dp, bal mờ ua\ cồng nha geh pơn rơ ngan tàm tơngai lơh broă pơrjum dờng dơ\ 12. Do là ală bơnàng jă kươmàng nàng bol he in lơh ngan lam lơh ngan ngồn bơta kơp kơ nờm bơt bơtàu dùl dà lơgar Việt Nam bơtàu tơnguh.

Gùt anih pơrjum

Bal mờ 1 rbô 587 nă cau ala mat ngan ngồn, gam geh cau ala mat nac jà là ală kuang đơng lam bồ Đảng, dà lơgar lài do, ală đại sứ, kuang ala mat ală lơgar mờ kuang ala mat ală mpồl lơh broă dunia, ală mpồl kuang bàng lơh broă mờ lơgar ndai tàm Việt Nam. Bơdìh hơ\ tai, gam geh ală mè Việt Nam khin cha jak chài, cau geh bồ tơnggoh bơsram sră, văn nghệ sĩ geh pơn rơ.

Lài mờ hơ\, tàm drim òr (25/01), pơrjum dờng neh ring bal kơrnoăt lơh broă bơh pơrjum dờng, lơh gơs ală bơnah broă kuơ màng, tàm hơ\ geh: pồ mpồl Chủ tịch, mpồl cau gơnoar cih, mpồl sền gròi nàng g^t kuang bàng, ring bal broă lơh bơh pơrjum dờng, ring bal kơrnoăt te\ khà bơh pơrjum dờng mờ ring bal jơnau yal sền gròi nàng g^t kuang bàng.

Tiah tờm pơrjum dà lơgar

Pơrjum cau ala măt gùt lơgar dơ\ 13 bơh Đảng geh kơnòl tơrgùm sền wơl broă lơh jăt Nghị quyết pơrjum dờng dơ\ 12 bơh Đảng pơgồp bal mờ broă sền wơl 35 nam broă tam gơl pa, 30 nam lơh jăt Cương lĩnh nam 1991, 10 nam lơh jăt Cương lĩnh, broă tơnguh bơtàu lơh sa mpồl bơtiàn 10 nam bơh nam 2011 tus 2020; ai geh gùng dà, kơnòl tơnguh bơtàu lơh sa mpồl bơtiàn 5 nam bơh nam 2021 tus 2025, ai geh tơngu me, gùng dà broă lơh tus nam 2030 mờ wèt tus broă tơnguh bơtàu dà lơgar tus nam 2045; sền wơl broă bơ\t bơtàu Đảng mờ broă đơng lam bơh mpồl đơng lam Đảng dà lơgar khoă 12, ai geh gùng dà, kơnòl bơ\t bơtàu Đảng tàm tơngai pa; sền wơl broă lơh jăt Điều lệ Đảng khoă 12; pồ mpồl kuang bàng đơng lam Đảng dà lơgar khoă 13.

Cau mblàng K’Duẩn mờ Ndong Brawl