VOV4.M’nông: Bộ trưởng Quốc phòng Ấn Độ Rajnath Singh nar 24/6 lah rjăp nău ŭch n'hao têh dăng tahen dak lêng dak dja lăp tâm rmôt 3 dak dâk bôk năp lam ntŭr neh mpeh nău dăng hăn tâm lơh ta dak lêng tâm đêt năm tât, nkre geh nău kan khlay tâm mât njrăng neh dak . Lah ta ntŭk gŭ nde tahen dak lêng Karwar, wa Rajnath Singh an gĭt Chính phủ Ấn Độ hŏ ntêm an 2/3 rnoh prăk rvăt năp têh mhe ndơ dŏng an tahen dak lêng. Ăp rnoh ntuh kơl dơi ntêm an rvăt năp ăp ndơ dŏng tahen dak lêng ƀư njêng tâm dak tâm 5 năm aơ. Tâm rnôk hăn khâl dja, Bộ trưởng Quốc phòng Ấn Độ Rajnath Singh hăn uănh n'hanh uănh năl rnoh ngăch ƀư bah trong nchrăp kan ƀư ntŭk dŏng gŭ kan tahen dak lêng geh moh "Trong nchrăp sĭm dak lêng". Bộ trưởng Quốc phòng Ấn Độ mpŏng lôch jêh ƀư trong nchrăp, ntŭk gŭ nde tahen dak lêng Karwar mbra jêng ntŭk gŭ nde tahen dak lêng dŭt têh châu Á.

Nuĭh rblang: Điểu Thân