VOV4.M'nông: Vaccine njrăng n'gang Covid-19 dôl sĭt tât Việt Nam đah rnoh âk, yơn âk ntil. Bộ Y tế ân tâm pă tâm di an tĭng n'gor gay đăp mpăn rnoh ngăch chuh, lơn lah ta ăp n'gor miền Tây n'hanh nkual Tây Nguyên ntŭk dôl tât nuh srê dŭt kri nji. Aơ lah ngoăy tâm ăp nkô̆ nău tơm khlay ma Ƀan rđău đă gưl neh dak njrăng n'gang Covid-19 lah rjăp ta rơh hop ôi ntri (3/11) ta nhih pah kan Chính phủ, nchră mpeh trong kan nkrum lam rdâng lơh geh nău tam nuh srê Covid-19. Groi Thủ tướng Vũ Đức Đam, Groi Ƀan rđău đă gưl neh dak ƀư tơm rơh hop. Tĭng Groi Thủ tướng Vũ Đức Đam, Trong kan nkrum lam dja đah ăp trong nkra mhe mbra dơi tĭng ƀư tâm let năp tay rnôk rnoh nkrum lam vaccine tât rnoh âk. Hôm tâm rnôk aƀaơ hôm tĭng ƀư ăp trong nking nchăng, nchih wăr, an gŭ rgum êng du trong jôn rbăn, ngăch rplăch n'hanh mô hŏ ntlơi trong an gŭ srang ngai êng lam rêh jêng kon nuĭh tĭng nău ntrŭnh mbrô 16./.

Nuĭh rblang: Điểu Thân