VOV4.M'nông: Ôi 11/8, hŏ ntơm pơk rơh hop lor bôk năp bah Chính phủ năm kan 2021-2026 an tĭng ƀư Nghị quyết Đại hội XIII bah Đảng n'hanh Nghị quyết bah Quốc hội khóa XV mpeh hun hao wăng sa- rêh jêng kon nuĭh 5 năm 2021-2025. Rơh hop dơi ƀư tĭng trong pơk sŏng dăng đah ăp n'gor lam dak, tă bah Thủ tướng Chính phủ Phạm Minh Chính ƀư tơm. Lah ntơm pơk, Thủ tướng Chính phủ Phạm Minh Chính lah rjăp, Chính phủ khoá XV dơn nău kan tâm rnôk lam ntŭr neh n'hanh tâm dak geh ăp trong dơh soih n'hanh jêr jŏt, ntul rlong tâm păch nsum, lơn lah nô nău nuh srê Covid-19 n'hanh njêng săk Delta dôl tât dŭt n'hâm krit jêr, mô gĭt năl lor lam ntŭr neh n'hanh ta Việt Nam, ntêt nkri tât n'hâm suan, săk khĭt rêh bah nuĭh ƀon lan nhanh khuch hô tât ăp ntil wăng sa- rêh jêng kon nuĭh bah neh dak. Đah nău tât râng bah wa Tổng Bí thư n'hanh ăp tŏng ăp kruanh rđău kan Đảng, Ngih dak, Chính phủ khóa XV hop rgum lĕ rngôch lor bôk năp, lah rơh hop mô hŏ tă geh bah kăl e đŏng, đah nău nsrôih rdâk njêng Chính phủ rgâl mhe, kloh rvah, dâk kan, geh nău tam, yor ma ƀon lan rhŏ dŏng. Tâm nchră rgum tâm rkhăch, tâm ban ŭch ăp nkô̆ nău n'gâng tơm, dŭt khlay kalơ ăp trong kan bah neh dak tâm 05 năm tât./.

Nuĭh rblang: Điểu Thân