VOV4.M'nông: Tĭng Nghị quyết bah Chính phủ, nkual ƀon têh Hồ Chí Minh nsrôih mât kân dơi nuh srê bah năp nar 15/9/2021. Ăp n'gor: Bình Dương, Long An, Đồng Nai nsrôih mât kân dơi bah năp nar 1/9/2021. Ăp n'gor, nkual ƀon têh êng ƀa ƀă mât kân dơi nuh srê bah năp nar 25/8/2021. Gay rgum nking nchăng tay, ntrôl rŭch, hăn tât mât kân dơi uĕh nuh srê COVID-19, mô an geh duh jêr dak si, wăng sa - rêh jêng kon nuĭh, Chính phủ tâm ban ŭch an dŏng Nghị quyết mbrô 86/NQ-CP mpeh ăp trong nkra jăch ndăn njrăng, n'gang nuh srê COVID-19. Nghị quyết nkoch kloh ăp trong nkra jăch ndăn ân dơi ƀư. Na nê̆: dŏng ăp trong  njrăng, n'gang nuh srê, lơn lah an gŭ srang ngai rêh jêng kon nuĭh ân dơi an ƀư ngăn ngăn, lhăt jăp, dăng lơn, lĕ nuih n'hâm; way ƀư mbro ntrŭt ntrôl, hăn ôp uănh ăp rêng ƀư, ăp ndơ tŏng ăp, trong nkra njrăng, n'gang nuh srê gay tŏng ngăch rnôk nuh srê rgâl. Lĕ rngôch ăp n'gor rđău đă tĭng ƀư jăp trong rƀŏng "hăn tĭng jay, goh tĭng mpông, ôp lek tĭng nuĭh", ban saơ, nkra rmal dĭl nuĭh sĭt bah nkual geh nuh srê mô lah bah ntŭk êng tĭng di nău way bah n'gor; rmal lhăt ăp nău tih, kơp lĕ ma rmal nhŭp kân nuĭh tĭng di quy định bah pháp luật đah ăp nău tih mô tĭng jăp, nking kol, rdâng lơh nău tĭng ƀư ăp quy định, trong nkra njrăng, n'gang nuh srê bah nhih pah kan geh nău dơi kan./.

Nuĭh rblang: Điểu Thân