VOV4.M’nông – Kêng măng 11/8, đah nău ƀư tơm, ƀĭt joet bah Thủ tướng Chính phủ Phạm Minh Chính, Chính phủ lĕ rƀŭn mpeh trong kan njrăng, n’gang srê Covid-19; nu nău hun hao wăng sa-rêh jêng khay 7 n’hanh 7 khay năm 2021; ăp nău kan, trong mkra khlay dôh rklaih jêr jŏt, hun hao wăng sa-rêh jêng ăp khay dŭt năm 2021 tĭng trong ƀư pơk sŏng dăng đah tơm ntŭk ƀoh Chính phủ đah ăp n’gor ta lam dak. Tĭng Thủ tướng, aơ lah nău kan khlay tâm ban n’hanh geh nău tâm boh rjăp, dăch dêh ndrel. Tĭng ntĭm rđău bah Thủ tướng, kruanh ăp n’gor, nkual ƀon têh n’hanh ăp nuĭh tâm chính phủ rgum rblang ăp săk rnglăy, nău geh n’hanh ăp nău ê hŏ dơi ƀư tâm rnôk ƀư tĭng ăp nău kan khay bah năp; rhoăt ăp nău blău ơm, ngăn lah njrăng, n’gang srê Covid-19 n’hanh rdâk nsơm nkra njêng, tăch rgâl; nchroh mbơh nu nău, lơn lah ăp jêr jŏt, nău dơh, ntŭl rlong; tâm nchră ăp trong kan, nău kan, mkra ƀư tĭng ăp khay dŭt năm 2021.

Nuĭh rblang: Y Sưng Phê Ja