VOV4.M’nông: Ơi kônh wa ndrel băl mpôl. Tâm nklang nkuăl n’har bri, tâm năm kan 2015-2020 Đảng bộ tahen nkuăl Cư Prông, n’gor Gia Lai ho\ geh âk nau dơi ntoh lư kơt: N’hao n’hâm nchră nau kan tâm nau njrăng nau dăp mpăn tâm nkuăl ân nar lơn hun haom nau nâp mpeh nti\m nti, mô rlu n’hao prêh, chi bộ tahen nar lơn geh nâp nâl, ăp ntil, geh âk nau rgâl nâp nâl, rgop nau ndâk rmôt tahen nâp nâl ăp ntil.

Leo phung hên hăn uănh ntu\k nti\m nti Jít Tú, xã Bình Giáo, Thiếu tá Phạm Thanh Tùng, Chính trị viên Rnâng kan rđau nau kan tahen nkuăl Chư Prông, nkoch: Năm kan rlau aơ, ntu\k tahen râng kơl nchră nau ân nkuăl uỷ, UBND nkuăl rgum ntu\k nti\m nti hvi bơi tât 19,6 ha, tâm nê ho\ ntuh kơl ndâk 2,5 ha đah tơm prăk rlau 14 rmen. Ntu\k nti\m nti tahen aơ geh ngih êng geh nkhah ân rmôt dân quân tự vệ, nti\m nti rgum ân nklăp 120-150 nu\ih. Mô êng rgop nau n’hao nau nâp nti\m nti đah nau geh mêt uănh ăp năm 100% geh nau dơi, ntu\k aơ hôm geh do\ng đah nau nti\m nti ăp nau kan mât đăp mpăn, rnă njrăng. Rnôk srê Covid-19 geh nau tât jêr, ntu\k nti\m nti aơ geh do\ng [ư jêng ntu\k nkha rgum bah âk nu\ih.

Nkoch mbơh nau mpeh nau săk tam bah ntu\k nti\m nti rgum, wa Ngô Ddịch Long-Kruanh rđau kan rnâng kan tahen xã Ia Mơr, mbơh: Ia Piơr, Ia Mơr, Ia Púch. Nau tâm nkhah đah ăp xã ri ngai, mô nơih ân nau ntrơn hăn bah cán bộ, tahen. Yor ri, tâm rơh nti\m nti, rmôt tahen mra ân manh ntu\k aơ ndâk nkơp [aih gay ma [ư ntu\k gu\ ân rmôt dân quân. Yơn lah, ntu\k ntu mô geh to\ng ăp, ndrel ma du đê| nkuăl hôm geh nau mô to\ng dak do\ng tâm yan vai, [ư nau kan nti\m nti tahen bah ăp rmôt ri hôm mâp nau jêr. “Rnôk ntu\k nti\m nti tahen Jít Tú jêh lôch nkra, ăp nau jêr geh rklaih. Tâm rơh nti\m nti rgum ta aơ, ăp rmôt ân geh tay năm “nti mhe, nkah ơm” ndrel mô dơi geh tâm nkhah yor ăp nau khuch tă bah ba dih, yor ri ma geh âk nau rgâl ngăn”.

Tâm năm kan 2015-2020, Đảng uỷ Tahen nkuăl tâm rgop nsum đah Rnâng kan nkuăl uỷ, Đảng uỷ ăp xã, nkuăl têh râng nau kơl mbơh nau ân nkuăl uỷ ndâk ăp ntu\k tahen, rgop nau n’hao nau nâp tahen tâm dâng. Tât rnôk aơ, 20/20 chi bộ tahen bah xã, nkuăl têh geh gưl uỷ, 100% Groi rđau kan Rnâng kan tahen gưl xã lah Đảng viên, rnoh thôn đội trưởng lah đảng viên geh bơi tât 71%. Nau kan nglăp Đảng tâm rmôt dân quân tự vệ, dự bị động viên nar lơn geh uănh khlay. Lah năm 2015, rnoh đảng viên tâm rmôt aơ geh 14,7% ri tât năm 2019 lah rlau 21%.

Nkuăl Chư Prông geh 41,2 km trong n’har tâm dăch ma n’gor Rattanakri, dak Campuchia, nau mât đăp mpăn chính trị tâm nkuăl hôm geh nau tât jêr. Rơh rlau aơ, Đảng uỷ tahen nkuăl ho\ nchrăp tâm rgop nsum đah ăp rmôt kan geh tât tâm nau kan mêt uănh, nkân njrăng, mô ân geh nau tât luh, lăp tâm nkuăl n’har bri. Ntơm năm 2015 tât rnôk aơ, rmôt tahen nkuăl ho\ ntru\nh ma rhiăng tơ\ án bộ, tahen tâm grop nsum đah rmôt tahen tâm nau kan mêt uănh, nkân njrăng tâm nkuăl ndrel ho\ saơk, rklaih geh năn 9 tơ\ tâm rnoh 74 tơ\ nu\ih rnoi mpôl đê| dôl ma joi trong hăn rlet n’har bri, ntru\t đă 232 nu\ih lăp tâm nkuăl ndrel geh nau u\ch hăn tât dak bu êng.

Wa Bùi Viết Hội-Bí thư nkuăl uỷ Chư Prông lah rjăp: Năm kan 2015-2020, rmôt tahen nkuăl ho\ [ư ueh nau tâm rnglăp tâm ban nau, rgum mât uănh nau kan, tâm rgop đah ăp rmôt công an, biên phòng nchrăp râng kơl nchră nau ân gưl uỷ, n’gâng kan tâm nkuăl tâm nau mât rnă njrăng chính trị, mât đăp mpăn tâm nau rêh ko\ kơt lah nau đăp mpăn tâm nkuăl n’har bri”. Ko\ ti\ng Bí thư nkuăl uỷ, tâm năm kan rlau aơ, Đảng uỷ tahen nkuăl hôm râng nchră nau nâp jăp tâm nau ndâk ndrel [ư nâp rmôt kan chính trị tâm dâng, ngăn lah ndâk nuih n’hâm nâp jăp bah [on lan ndrel nau mât đăp mpăn rnă njrăng [on lan ndrel nau nâp jăp bah biên phòng lam [on lan. Ti\ng nê, rmôt tahen nkuăl ho\ nsum n’hâm ndrel gưl uỷ, n’gâng kan tâm n’gor kơl [on lan jut n’huch ach o, ndâk [on lan mhe./.

Nu\ih rblang: H’Thi