VOV4.Mnông-Ta năp nău ntoh luh bâh âk nău mhe n’hanh nău do\ng ăp mạng xã hội, bâh bôk năm tât a[aơ, Công an nkuăl MDrăk, n’gor Dak Lak le\ njêng âk địa chỉ Zalo, Facebook…gay ma dơn nău mbơh mpeh nu^h tih, joi nu^h roh, nu^h prah tâm tom ndeh, nchih mbơh nău mbơh tơih pháp luật…Lôch rlău n’gul năm mbơh [ư, nău kan bôk năp an saơ geh săk rnglăy âk. Bâh ăp nău mbơh, mpôl kan têh le\ doh rklaih ngăch, săk rnglăy ăp nău rph đăp mpăn bâh ntu\k kan ba dâng.

Xã Ea Pil, nkuăl MDrăk, geh 12 mpôl rnoi oh nô gu\ rêh ta rnoh neh rlău 80km2. Nău ơm geh lah nkual neh têh hvi, geh trong quốc lộ 26 hăn rphot, geh trong nthoi đah nkuăl Ea Kar (n’gor Dak Lak) n’hanh nkuăl Sông Hinh (n’gor Phú Yên), ăp nu^h tih way plơ\ s^t ta [on lan du\ krap nde n’hanh pah kan. Wa Nguyễn Quốc Hùng, ta thôn 1, xã Ea Pil, an g^t, bâh bôk năm tât a[aơ, rnôk Công an xã Ea Pil le\ njêng ăp địa chỉ Zalo, facebook dơn nău mbơh bâh nu^h [on lan, ăp nău [ư tih luật le\ ju\r âk.

"Thôn 1 ntơm nơh tă geh âk rơh tâm lơh, ntu\ng n’goănh, bâh ntơm mbơh [ư nău kan Zalo dơn nău mbơh bâh bâh ăp ntu\k kan tih, nu^h kan tih r^ công an xã ju\r doh rklaih ngăch n’hanh săk rnglăy jêng le\ bah hôm. Geh Zalo [on lan njoăl hình an công an, điện mpong ang bâh bôk thôn tât du\t thôn lah nu^h tih mô hôm nănh pah kan tay. Rnâng kan mât ua\nh thôn [on dôl mbơh tơih rgo\ jă [on lan tâm gop đah kruanh thôn, groi kruanh thôn, kruanh công an xã gay ma mbơh nău an công an doh rklaih le\ nău gay ma mât đăp mpăn rnă njrăng”.

T^ng nău mbơh bâh đại uý Nguyễn Sơn-kruanh Công an xã Ea Pil, bâh ăp trang mạng “facebook, zalo- tâm rgop nău đăp mpăn an ăp rnăk vâl”, mô dơn ngăch dơn nău mbơh bâh ăp ntu\k geh kan tih bâh nu^h [on lan mbơh, ăp nô hôm nha mbơh tơih tât ăp nu^h [on lan ăp nău ntru\nh, trong kan bâh Đảng, nău kơl, pháp luật bâh ngih dak, mbơh tơih, n’hao nău m^n njrăng, nău g^t vât dơn kan bâh ăp nu^h [on lan tâm nău nsrôih, rdâng nu^h tih, ntop mât đăp mpăn rnă njrăng ta ntu\k.

"Bâh nău kan ngăn ta ntu\k tâm ban kơt nău geh ntoh âk nău mhe bâh do\ng ăp mạng xã hội tâm rơh a[aơ, êng gâp nơm mpeh nău kan ta xã le\ dăn nău tâm rgop bâh nu^h leo kan công an nkuăl njêng ta ăp trang mạng Zalo, facebook gay ma mbơh tơih mpeh nău pháp luật, dơn nău mbơh mpeh mbơh nu^h tih. Rnôk geh mbơh tơih r^ nu^h [on lan n’hanh ngăn lah mpôl mom khân păng g^t vât n’hanh geh nău dơi du\t ngăch. Nău rnă njrăng đăp mpăn ta ntu\k le\ geh đăp mpăn lơn đo\ng, rnoh nu^h tih mpeh pháp luật le\ hu\ch âk. Tât a[aơ, trang Zalo bâh xã Ea Pil le\ geh 490 nu^h [on lan râng ua\nh”.

Nău mbơh bâh công an nkuăl MDrăk an saơ, tât rnôk aơ, le\ rngôch ăp xã ta ntu\k le\ geh njêng trang Zalo, facebook n’hanh mbrô điện thoại Zalo tâm rgop đah nu^h [on lan gay ma dơn nău mbơh nu^h tih, nu^h prah tâm tom ndeh, mbơh tơih mpeh pháp luật…Trung tá Hồ Phi Nam-Groi kruanh công an nkuăl M’Drăk an g^t, bâh bôk năm tât a[aơ, bâh ăp ntu\k aơ, ntu\k kan le\ geh ban saơ rlău 30 rơh [ư tih pháp luật, rmal hành chính rlău 100 nu^h. rlău ma ne\, công an nkuăl le\ ndơ\ hồ sơ tât ntu\k kan têh lơn phong rmal âk nău tih n’hanh âk nu^h [ư tih mpeh hình sự.

T^ng nău mbơh bâh Trung tá Hồ Phi Nam, nău do\ng ăp trang Facebook, Zalo mô lah mbrô điện thoại le\ geh âk nău mô ueh đo\ng. gay ma ăp trang aơ n’hao nău ueh săk rnglăy tâm ban kơt jăng lơi ăp nău mbơh mô tâm di, Công an nkuăl le\ an njêng rmôt kan ôp ua\nh nău mbơh, nkre lah nt^m nti n’hao prêh nău kan an le\ rngôch công an xã, nkuăl têh n’hanh mbơh tơih gay ma nu^h [on lan g^t vât na nê| nău khlăy bâh nău tâm rgop kan ndrel.

"Mpôl hên le\ geh săch ăp cán bộ tahen geh nău blău dơi mpeh công nghệ thông tin, nchih rgum văn bản tâm ban kơt g^t ăp nău mât đăp mpăn rnă njrăng ta ntu\k gay ma ndơ\ lăp ta rmôt ua\nh năl an mbơh nău mbơh mhe. Ăp đồng chí aơ tât bâh ăp tổ mât rnă njrăng, mât ua\nh nău kan wa\ng sa, ma tuý, hình sự. Ndrel đah njêng rmôt kan ua\nh năl nău mbơh mhe r^ mpôl hên hôm nha nt^m đă kruanh công an ăp xã dơn nău kan mbơh nău đah ăp nu^h [on lan gay ma dơn nău mhe, nt^m đă công an ăp xã, nkuăl têh [ư ndrel tâm ăp rơh r[u\n nchră tâm mâp [on lan gay ma n’hao nău g^t vât bâh [on lan mpeh nău geh ueh bâh ăp trang mạng Zalo, Facebook gay ma khân păng do\ng mbơh nău mhe”.

Mbra dơi lah, tâm rnôk ntoh luh công nghệ thông tin a[aơ, nău do\ng ntrong kan mbơh tơih, njrăng rdâng nu^h tih, dơn nău mbơh nu^h tih bâh Zalo, facebook lah du\t tâm di, ntop n’hao nău dơi kan săng rnglăy tâm nă kan le\ [on lan njrăng rdâng nu^h tih, mât đăp mpăn rnă njrăng, ngăn lah ta ăp nkual[on lan.

            Tuấn Long nchih

Thị Đoắt răk rblang