VOV4.M'nông: Nar 27/10, nar pah kan tâl 8, rơh hop tâl bar, Quốc hội khóa XV, râng nău rgop tâm nchră mpeh nô nău tĭng ƀư trong kơl, nău dơi geh Bảo hiểm xã hội, Mpôl đại biểu Quốc hội n'gor Kon Tum dăn đă ntop kơl tay bảo hiểm y tế an nuĭh mô geh nău dơi rvăt êng. Aơ lah nău kan khlay kơl nuĭh ƀon lan, lơn lah nuĭh ƀon lan rnoi mpôl đê̆ geh ndơ ma tât dŏng mât chăm n'hâm suan, hŭch bah mbăk anh jâk mpeh prăk kaih.

Hăn ôp uănh na nê̆ bah mpôl Đại biểu Quốc hội n'gor Kon Tum an saơ, tâm rnoh ăp nuĭh mô hôm dơi ngih dak ntop kơl mpeh bảo hiểm y tế, geh âk nuĭh nău rêh dŭt jêr jŏt, mô geh nău dơi hăn rvăt êng bảo hiểm y tế an nơm n'hanh rnăk wâl. Lơn lah, ăp nuĭh dja geh tâm ƀon lan rnoi mpôl đê̆. Tâm rnoh rlău 51.800 nuĭh ƀon lan bah n'gor Kon Tum mô hôm geh Ngih dak ntop kơl mpeh bảo hiểm y tế geh tât 49.300 nuĭh lah rnoi mpôl đê̆, âk rlău 95%./.

Nuĭh rblang: Điểu Thân