VOV4.M’nông: UBND nkuăl Ea H’Leo, n’gor Dak Lak mbơh, bôk nau kan điện n’hâm sial Ea Nam tâm nkuăl hŏ ƀư jêh nau nkra, hôm knŭng ƀư jêh nau nkra nau kan mra geh đăp mpăn rnglăp nsum ma điện neh dak. Aơ mô êng lah bôk nau kan điện n’hâm sial tâm neh kơh têh ngăn tâm lam dak geh nkra đah nau ngăch ngăn, ma hôm ƀư jêh n’ăp ma nau kan văng sa ndrel rêh jêng. Bôk nau kan Ngih máy điện n’hâm sian Ea Nam yor rmôt kan Trung Nam ƀư tơm ntuh kơl, geh 84 n’gâng sial 1,2 km, trong rse 500Kv, rnoh tơm prăk ntuh kơl 16.500 rmen, ntrŭnh tâm 3 xã Ea Nam, Ea Khal ndrel Dliê Yang, nkuăl Ea H’Leo.

Bôk nau kan geh nau ntrŭnh ntuh kơl tâm lơ 31/12/2020 ndrel nar nkra ndal ngăn kŏ geh tâm rnôk dôl ma geh srê ndrel n’gâng kan, rmôt kan ăp gưl bah nkuăl Ea H’Leo ndrel n’gor Dak Lak, bôk nau kan hŏ jêh nau nkra ma mô geh nau khuch tât ndrel nau tâm in pit geh tât. Tĭng nau kơp uănh bah tơm ntuh kơl, rnôk lăp kan, Bôk nau nkra điện n’hâm soan Ea Nam mra pă rlau 1,1 rmen kWh/năm. Lah ntŭk kan điện rvăt lĕ rnoh aơ, nau geh du năm bah bôk nau kan mra geh 94 rkeh đôla, rgop ân tơm prăk bah nkuăl nklăp 250 rmen./.

Nŭih rblang: H’Thi