VOV4.M’nông: Lôch bơi 1 pơh manh rlu rhŏ an ƀư test kháng nguyên COVID-19 ta nhih dak si nkual ƀon têh Buôn Ma Thuột, Nhih dak si nhi Đức Tâm n'hanh jrô but săm ji Hoàn Hảo, nar 13/7, Sở y tế Dak Lak hŏ ŭch an 3 ntŭk dja plơ̆ kan tay rhŏ an ƀư test kháng nguyên COVID-19 gay ƀư si ƀŭt lhoi hăn an nuĭh ƀon lan n'hanh ăp nuĭh ƀĭt ndeh hăn tât ăp n'gor đă ân uănh năl ngăch Covid-19 lôch geh mô mpơl ji. Bah năp nê, nar 8/7, Sở y tế n'gor Dak Lak hŏ geh si ƀŭt njuăl mbrô 2360 mpeh nău rlu rhŏ an ƀư test kháng nguyên COVID-19 ta ăp ntŭk but, săm ji ta n'gor gay n'gâng kan dak si uănh năl di tay, lah ntŭk i tŏng ăp mơ dơi an plơ̆ kan tay. Ndrel đah 3 ntŭk but, săm ji mhe nkoch bah lơ nê dơi rhŏ an ƀư test kháng nguyên COVID-19, Dak Lak hôm mât ntŭk uănh năl dơm rnoh ngăch uănh năl 100 nuĭh/nar an ăp nuĭh ƀĭt ndeh geh bằng hạng C ta Trung tâm y tế nkual ƀon têh Buôn Ma Thuột./. 

Nuĭh rblang: Điểu Thân