VOV4.M’nông: Tĭng rnâng kan rđau nau njrăng, rdâng srê Covid-19 n’gor Dak Lak, tâm lơ 10/8, lam n’gor geh kơp dơn tay 36 nŭih ntưp ma srê Covid-19 tâm 6 nkuăl ndrel nkuăl ƀon têh Buôn Ma Thuột. Ngăn lah, tâm thôn 7 xã Vụ Bổn, nkuăl Krông Pắc, mhe kơp dơn geh du ntŭk srê têh, đah 17 nŭih F0 ma mô gĭt kloh tu tơm ntưp. Rnôk aơ hŏ geh nchueng rdâng. Ntŭk kan dak si Dak Lak hoi leo ma rhiăng nŭih F1.

Gay đăp mpăn nau kơl an ƀon lan tâm ntŭk nchueng rdâng, xã Vụ Bổn hŏ ndâk du rmôt kơl an ndrel mbơh mrô điện thoại bah rmôt kan ân ƀon lan mâp lah geh nau ŭch. Ndrel ma nê, xã kŏ đă ăp rhon nchih moh săk ăp rnăk ach o, rnăk mâp nau jêr mra mô tŏng sa tâm rnôk ƀư nkhah gay geh nau kơl an năn. Nau kan mêt uănh, joi nŭih .

Nchueng rdâng ndrel ma mpuh nkhĭt srê kŏ dôl geh xã ƀư rjăp. Kơp tât lơ 10/8, n’gor Dak Lak hŏ kơp dơn geh 446 nŭih ntưp ma srê Covid-19, tâm nê dôl ma săm lah 415 nŭih, 30 nŭih săm bah ndrel du hê nŭih lĕ khĭt./.

Nŭih rblang: H’Thi