VOV4.Mnông- Nău mbơh bâh ntŭk kan dak si n’gor Dak Lak kêng măng nar 26/10 an gĭt, n’gâng kan dak si n’gor dôl mâp jêr tâm nău rvăt ăp ntil dak si n’hanh ndơ dŏng tâm n’gâng kan dak si kơl dŏng tâm nău mât săm an nuĭh ntưp srê SARS-COV2. Nkô̆ nău bâh nău aơ lah yor âk ntŭk kan dăn rvăt mô dơi njoăl săm ƀŭt tât râng dăn rvăt yor bưu điện mô pah kan, ăp ndeh klư mô hăn nsong, âk công ty pă tăch geh tâm ntŭk nchueng rvêl, gŭ nkhah êng jêng lah mô dơi ƀư săm ƀŭt tât râng nău kan.

Ta năp nău aơ, ntŭk kan dak si n’gor Dak Lak lĕ ƀư công văn dăn đă UBND n’gor Dak Lak dăn đă n’gâng kan dak si, chính phủ kơl an, pă dak si n’hanh ndơ dŏng tâm n’gâng kan dak si ngăch ơm an n’gor kơl tâm nău kan mât săm an nuĭh ntưp srê. Geh tât nuh srê Covid-19 ta Dak Lak, kơp bâh 4 mông kêng măng nar 25/10 tât 4 mông nar 26/10, lam n’gor geh 150 nuĭh ntưp srê SARS Cov2. Nkuăl ƀon têh Buôn Ma Thuột hôm nha lah ntŭk geh saơ âk nuĭh ntưp srê ta ntŭk rêh jêng.

Nuĭh rblang: Thị Đoắt