VOV4.M’nông: Ăp năm rlău aơ, ăp trong leo tâm rlong ro\ng dak ta n’gor Dak Lak ring tam jru hvi ta le\ rngôch ăp trong kan, đah âk trong [ư, ndơ [ư âk mpưm. Tâm nê ntoh lư lah trong leo tâm rlong ro\ng dak tâm hun hao wa\ng sa, nt^m nti n’hanh rdâk njêng [on lan mhe.

Nău dơi tâm rlong ntoh lư ta Dak Lak lah trong leo [ư “Dak Lak nsum ti rdâk njêng [on lan mhe” . Năm 2015, lam n’gor dơn geh 7/152 xã di rnoh rdâk njêng [on lan mhe. Kêng du\t năm aơ, n’gor nchrăp geh 61 xã tât rnoh bôk nău kan dja. Nkual [on têh Buôn Ma Thuột ho\ lôch jêh bôk nău kan rdâk njêng [on lan mhe. Âk trong leo wa\ng sa mhe an ns^t geh nău tam âk ho\ mbrơi rgâl muh măt [on lan mhe. Nt^t kơt rmôt tâm boh cheh tanh Tơng Bông, xã Ea Kao, nkual [on têh Buôn Ma Thuột. wa H’Yam Bkrông, Giám đốc Hợp tác xã an g^t, đah u\ch ro\ng mât ndray văn hoá rnoi nu^h, păng ho\ lor nchrăp joi trong hăn tâm di đah ngăn ngăn ta ntu\k, nănh ntuh kơl, rgâl ue\h mhe săk ntô, pơk ntu\k tăch rgâl. A[aơ hợp tác xã dôl nta joi nău kan an 45 nu^h kan, ns^t geh ăp năm rlău aơ 1,2 rmen prăk, ns^t geh bah nu^h lăp kan nsum r^ng 3.500.000đ/khay. Wa H’Yam Bkrông, an g^t trong hun hao trong r[o\ng bah Hợp tác xã Tơng Bông:

“Rlău ma nău mât ndray nău kan cheh tanh way ơm, Hợp tác xã pơk hvi tay pâl nđaih tâm lam [on lan tâm nê geh nkoch n’hơ tay mpeh tơm văn hoá bah rnoi nu^h he kơt tu\r ch^ng goh gong, hôm ăp ndơ ngêt sa bah rnoi nu^h he đo\ng”.

Tâm trong kan nt^m nti, ăp năm dăch aơ, Dak Lak lah n’gor dâk bôk năp mbro mpeh nău dơi ta nkual duyên hải Nam Trung bộ n’hanh Tây Nguyên. An [ư rơh rgo\ jă “Ăp nai nt^m nti lah nu^h leo lor nuih n’hâm ue\h, kơt nti êng n’hanh njêng blău mhe”, lam n’gâng kan ho\ ntoh âk nu^h ntoh lư. Kơt nai Phạm Công Tuấn, nai nt^m tin học Nhih nti THPT Chuyên Nguyễn Du, nu^h ho\ mô rlu rgâl mhe trong nt^m n’hanh nti, geh âk nău g^t blău do\ng ngăn ngăn, đah nău [ư lah groi bí thư đoàn nhih nti, nô ho\ ndrel đah nsum mpôl nhih nti [ư trong nchrăp n’hanh rdâk njêng âk bôk nău kan, njêng ntu\k pâl ue\h g^t blău, tâm di an kon se nti.  

“Nău mha êng lah Nhih nti trung học phổ thông chuyên bah n’gor, nău kan rgum tơm lah pah kan kơi năp nti kon se nti blău. Yơn lah, bah meng nê gâp way r[o\ng an ăp kon se jêng kon nu^h nkre ue\h nkre rnâng kan gay kơi năp nti nău way kan hăn ndrel đah nău g^t blău.”

Tâm trong kan nchuăn rdeng ndơ, nkre tâm rlong du\t rgu\t n’g^ng nkre bên di đah tăch rgâl tă tât khuch bah nuh srê Covid-19, yơn Công ty TNHH nchuăn rdeng ndơ ôtô An Phước (Đăk Lăk) ho\ njêng dơi ntu\k gu\ nâp n’hanh mô rlu hun hao. Năm rlău aơ công ty ns^t geh bơi 140 rmen prăk, nta joi nău kan an 150 nu^h kan. Nău dơi dja geh nău du\t têh khlay bah nu^h mât bôk doanh nghiệp, wa Phạm Đông Thanh. Mô dơn uănh khlay tât tăch rgâl, nău khlay [ư tơm Kruanh Hội doanh nhân mom n’gor Dak Lak, păng hôm dăn đă âk trong nkra, njêng suan ntrôl, nău nđơr an ăp băl mom kalơ trong hăn ntơm njêng nău kan tăch rgâl:

“Công ty way ntru\t nsôr oh nô ndơ\ luh ăp nău m^n mhe bah he gay ntơm bah nê pơk hvi, njêng luh nău dơi tam nău kan [ư njêng tăch rgâl.Đah ntơm njêng nău kan ri mpôl hên m^n lah nău ntơm njêng nău kan lah hội doanh nhân ân mhâm [ư, yor he lah ăp nu^h doanh nhân ri hăn lor geh nău dơn kan đah rơh kơn bah kơi tay, geh nău dơn kan mpeh lam rêh jêng kon nu^h gay trêng nti tay ăp nău g^t blău, ăp nău tă ơm g^t, ăp tơ\ prah si mok an ăp băl mom gay ăp băl mom đêt prah si mok lơn.”

  Trong leo [ư tâm rlong ro\ng dak ho\ rgop kơl n’gor Dak Lak geh âk rnoh tât hun hao wa\ng sa rêh jêng kon nu^h. Lvang năm 2015- 2020, wa\ng sa bah n’gor Dak Lak geh rnoh hun hao ngăch r^ng 8,75%/năm; năm 2020 r^ng geh t^ng bôk nu^h nchroh geh 55 rkeh prăk; pah kan đăp mpăn lam rêh jêng kon nu^h way dơi mât đăp mpăn. Wa Nguyễn Tuấn Hà, Groi Kruanh rnâng kan UBND n’gor Dak Lak, an g^t, nđơn tay ăp nău dơi ho\ geh, n’gor nsrôih hun hao ngăch ndal tâm let năp tay.

“Bôk năp t^ng [ư tay đề án dăp rgum wa\ng sa ho\ dơi Thủ tướng chính phủ uănh an do\ng. Tâl 2 lah t^ng [ư jăp geh nău dơi tam Nău mbơh mbrô 17 bah Bộ Chính trị mpeh rdâk njêng n’hanh hun hao nkual [on têh Buôn Ma Thuột jêng nkual [on têh rgum tơm nklang Tây Nguyên. Tâl pe lah ân rgâl dơh glêh si [u\t mât kan, nta trong dơh an tăch rgâl n’hanh ntop kơl doanh nghiệp. Ndơ\ rnoh tât 2021-2025, rnoh dơi rgâl dơh glêh si [u\t mât bôk kan mbra gu\ tâm rmôt 20 rđ^l đah lam dak. Tâl 4 đo\ng lah ntrôl dăng ntuh kơl ntu\k ntô ndơ do\ng. Du trong nkra du\t khlay an nău hun hao bah n’gor ri ân rdâk njêng Đề án hun hao tơm nu^h kan săk blău âk, to\ng ăp an nău hun hao gay lăp ndrel du ntu\k pâl tâm rơh cách mạng công nghiệp tâl 4.”

Nău nsrôih, nuih n’hâm tâm rnglăp tâm nô nău mhe mbra kơl n’gor Dak Lak chrat ang tay chông u\nh tâm rlong ro\ng dak tâm ăp nhih pah kan, đơn vị, ntơm bah ăp cán bộ, nu^h [on lan, rgop t^ng [ư geh nău dơi ăp rnoh tât hun hao wa\ng sa rêh jêng kon nu^h tâm rơh mhe./.

Nu^h rblang: Điểu Thân