VOV4.Mnông – Tâm âk năm bah năp, trong kan mât uănh an rnăk wâl dơi kơl, nu^h geh soan đah cách mạng ăp gưl, nău kan dơi kan bah n’gor Dak Lak uănh khlay [ư t^ng. Ăp bôk nău kan; Tơm prăk nkrem rsơl plơng, ntop kơl nău rêh, mât rong mê| Việt Nam janh dăng… le\ mât soan dăng, rgop đăp mpăn n’hanh n’hao nău rêh drăp ndơ, nuih n’hâm đah nu^h geh soan.

Ăp năm kơt ne\, tât êp 27/7, wa H’Bông Niê, deh năm 1925, lah mê| bah Y Pho Niê le\ geh kh^t, ta [on Ea Ktur, xă Ea Ktur, nkuăl Cư Kuin, n’gor Dak Lak đă kon sau ju\t ntu\k an rup phan jêh ne\ so\k ăp ndơ bah Y Pho ju\t rao uănh. Yuh H’Mát Niê, kon bu ur bah wa H’Bông Niê an g^t, ăp năm bôk năp nô Y Pho kh^t, mê| H’Bông rngot ngăn, knơm geh nău ntru\t nsôr bah kônh wa [on lan, nău uănh m^n, ntop kơl mpeh drăp ndơ ăp gưl ăp nău kan jêng mê| bah oi rngot, nău rêh mbrơi mbrơi đăp mpăn đo\ng.

Bí thư n’gor uỷ Dak Lak an ndơ mê| Việt Nam janh dăng

          Mê| gâp a[aơ ranh hôm, năm 2012 dơi ngih dak [ư du mlâm jay tâm kơl, mhe aơ jay le\ plôk chor dơi nkuăl ntop kơl 20 rkeh prăk gay nkra jay jêng mih sial mô hôm klach. Ăp năm tât rơh lễ, Tết mê| gâp hôm dơi âk mpôl tât khâl, an ndơ. Gâp dăn la hue\h n’gâng kan [on lan le\ uănh m^n rnăk wâl gâp”.

          T^ng nău mbơh bah N’gâng kan Lao động Thương binh n’hanh xã hội n’gor Dak Lak, tâm lvang 2016-2020, n’gor le\ rgo\ jă geh rlău 35 rmen prăk prăk nkrem “Rsơl plơng”. Bah tơm prăk aơ le\ [ư an 952 mlâm jay tâm kơl, nkra tay 688 mlâm jay bah nu^h geh soan le\ djơh, khuch n’hanh an rlău 500 ndrôm sam [u\t ntêm nkrem prăk an nu^h dơi kơl, geh soan. Êng năm 2020, ndrel đah nău [ư jay, bah tơm prăk nkrem “Rsơl plơng” n’gor Dak Lak hôm [ư an 867 rkeh prăk lah prăk gay ntop kơl ăp ntrong kan hun hao wa\ng sa an 32 nu^h lah nu^h geh soan đah cách mang tâm rnăk ach o ta ăp nkuăl Krông Pách, Ea Kar, Krông Bông, Krông Năng, Lăk, Ea Súp n’hanh Mđrắk. Dơi dơn 15 rkeh prăk gay rwa\t su\r me, wa Phạm Thị Nhì, lah ur bah Tahen kh^t Cao Văn Tiến, ta nkuăl têh Ea Kar, nkuăl Ea Kar mpo\ng aơ lah ndơ joi nău rêh gay hun hao wa\ng sa, kơl wa geh tay ndơ mât rong nu^h kon geh kop ji, rgop đăp mpăn nău rêh:

          Ăp gưl nău kan bah thôn, nkuăl têh tât nkuăl, n’gor le\ geh nuih n’hâm kơl rnăk wâl gâp kơt aơ ri gâp knu\ng u\ch m’hâm [ư geh wa\ng sa gay mê| kon tâm mât dơm. A[aơ mon kơt aơ hôm gâp knu\ng geh prăk gay mât rong. Gâp du\t la hue\h. dơi kơt ne\ lah lap ngăn”.

          Ndrel đah ntop kơl prăk kơl rnăk wâl dơi kơl, nu^h geh soan đăp mpăn nău rêh, hao rklaih ach o, tâm năm aơ, N’gâng kan LĐ-TB n’hanh xã hội n’gor Dak Lak le\ ndơ\ tâm nău [ư. Ntu\k mât rong nu^h geh soan bah n’gor. Tâm rơh 27/7 aơ, Ntu\k mât rong le\ [ư rơh mât rong rgum an 49 nu^h geh soan đah cách mạng. ta aơ, nu^h geh soan dơi ntop kơl mât uănh săk soan, nti hăn săm ji, uănh nsong ntu\k ntô ue\h n’hanh du đêt ntu\k pâl nđaih lịch sử ta n’gor. Bah nkuăl Krông Pách hăn ntu\k mât rong nu^h geh soan gay but uănh ji, nu^h ji Nguyễn Long Biên, xă Ea Phê an g^t:

    Kruanh N’gâng kan Lao động Thương binh n’hanh xã hội n’gor Dak Lak an ndrôk an rnăk dơi kơl

          “Rnôk gâp tât ntu\k aơ mât rong mư gâp saơ răm yor nău wơt bah nu^h pah kan ntu\k mât rong, du\t ue\h. Wơt mpôl hên kơt nu^h bên plơ\ s^t. ntu\k mât rong le\ rngôch ăp nu^h ta nkuăl hăn du\t ue\h. Ntơm bôk năp kơt aơ ri saơ rhơn, nu^h pah kan ue\h du\t n’hâm, y nai dak si ri chop khâl du\t ngăn ngên, na nê|, ăp wa geh moh nău mpeh kop ji ri geh nt^m săm n’hanh mât uănh”.

          Wa Trần Phú Hùng, Kruanh N’gâng kan LĐ-TB n’hanh xã hội n’gor Dak Lak an g^t, tâm ăp năm bah năp, ăp nău [ư mât uănh nău rêh nuih n’hâm n’hanh drăp ndơ an nu^h geh soan đah cách mạng dơi ăp gưl, ăp nău kan, ăp ntu\k ta n’gor uănh m^n, [ư t^ng. Yơn lah, t^ng kơp uănh, a[aơ le\ rngôch lam n’gor hôm e 125 rnăk dơi kơl tâm rnăk ach o. Yor nê, tâm năm tât n’gor Dak Lak mbra ntrôl dăng tay âk trong mkra gay kơl rnăk dơi kơl, nu^h geh soan n’hao nău rêh, đah nău r[o\ng nsrôih tât le\ năm 2020, n’gor mô geh rnăk ach o tâm rnăk dơi kơl, nu^h geh soan cách mang:

          “Gay mbơh [ư trong nchrăp n’hu\ch ach o đah nu^h geh soan geh săk rnglăi ue\h, N’gâng kan LĐ-TB n’hanh xã hội le\ ndâk njêng ăp rmôt pah kan hăn ăp jay nu^h geh soan tâm rnăk ach o tâm ôp nu nău, m^n joi nkô| nău jêng tât ach o, lơn lah g^t nău u\ch bah khân pơng gay geh trong ntop kơl. Nkre tâm rgop đah Uỷ ban mặt trận Tổ quốc Việt Nam n’gor, Hội chữ thập đỏ n’gor rgo\ jăp ăp ntu\k kan, doanh nghiệp, ăp nu^h lo\ng gay ntop kơl nu^h geh soan ndâk njêng, nkra jay gu\, ntop kơl tay nău geh. Nsrôih tâm năm 2020 mô an ăp rnăk geh nu^h lah nu^h geh soan cách mạng la rnăk ach o”.

          Ăp bôk nău kan ngăn ngêt, săk rnglăi gay mât uănh an rnăk dơi kơl, nu^h geh soan dơi Dak Lak mbơh [ư tâm khay bah năp le\ ngăch ntru\t nsôr, nta an nu^h geh soan nsrôih rlet rlău hun hao wa\ng sa, đăp mpăn nău rêh.

Nu\ih rblang: Y Sưng Phê Ja