VOV4.M’nông – Ôi nar 16/4, Ủy ban Mặt trận Tổ quốc Việt Nam n’gor Dak Nông ƀư rƀŭn nchră Hiệp thương rơh 3 gay săch, nchih săk ăp nuĭh tŏng dơi săch nuĭh ntoh măt Quốc hội khóa 15 n’hanh nuĭh ntoh măt HĐND n’gor Dak Nông khóa 4, năm kan 2021-2026.

Ủy ban MTTQ n’gor Dak Nông ƀư rƀŭn nchră Hiệp thương rơh tal 3

Jêh tâm nchră, 100% nuĭh ntoh măt râng rƀŭn nchră lĕ nsơr ty tâm ban ŭch nchih săk ăp nuĭh tŏng ăp dơi săch ntoh măt an Quốc hội khóa 15 geh 10 nuĭh (tâm nĕ Trung ương nkoch a 2 nuĭh, n’gor nkoch an 8 nuĭh) n’hanh tâm ban ŭch an 3 nuĭh lĕ geh sam ƀŭt rhoăt mô râng săch nuĭh ntoh măt Quốc hội khóa 15. Nkre, rƀŭn nchră lĕ nchih săk 88 nuĭh tŏng dơi săch nuĭh ntoh măt HĐND n’gor Dak Nông, năm kan 2021-2026. Tâm nĕ, rnoh nuĭh ntoh măt bu ur lah 38 nuĭh, ntoh măt rnoi mpôl đêt 20 nuĭh, nuĭh ntoh măt druh ndăm lah 31 nuĭh, mô geh Đảng lah 9 nuĭh n’hanh rnoh nuĭh ntoh măt săch tay lah 21 nuĭh.

Nŭih rblang: Y Sưng Phê Ja