VOV4.M’nông – Tĭng n’gâng kan dak si n’gor Dak Nông, tât aƀaơ lam n’gor lĕ jêh 4 rơh chuh vaccine njrăng n’gang Covid-19. Dak Nông lah ngoay tâm 4 n’gor bah lam dak tŏng ăp ngăch chuh vaccine di nar ntrŭnh.

Dak Nông đăp mpăn ngăch chuh vaccine njrăng n’gang Covid-19

Tĭng nĕ, tâm 4 rơh nău kan dak si n’gor Dak Nông lĕ jêh an rlău 44.100 nuĭh, tâm nĕ geh rlău 6.000 nuĭh lĕ jêh chuh nglai 2.Ăp nuĭh dơi chuh vaccine njrăng Covid-19 tâm rmôt kơl lor lah ăp nuĭh pah kan tâm ăp ngih dak si, nuĭh hăn njrăng n’gang srê n’hanh phung pah kan ta 3 nkual công nghiệp bah n’gor. Gay ƀư chuh vaccine geh săk rnglăy, nău kan dak si n’gor Dak Nông lĕ ƀư chuh ta 8 ntŭk, geh: Ngih dak si Đa khoa n’gor ta nkual ƀon têh Gia Nghĩa n’hanh 7 Ngih dak si ăp nkuăl.

Nuĭh rblang: Y Sưng Phê Ja