VOV4.M’nông – Kêng măng (14/7), ta Công an n’gor Dak Nông, N’gâng kan Công an ƀư mbơh nău ntrŭnh bah Kruanh N’gâng kan Công an mpeh trong kan cán bộ. Ta nar ƀư, Trung tướng Trần Quốc Tỏ, Groi kruanh N’gâng kan Công an lĕ ntrŭnh bah Kruanh n’gâng kan Công an đă Đại tá Bùi Quang Thanh, Groi kruanh Côntg an n’gor Quảng Bình ƀư Kruanh Công an n’gor Dak Nông.

Dak Nông geh Kruanh Công an n’gor mhe

Ntoh ngơi ta nar ƀư, Trung tướng Trần Quốc Tỏ nsing nơm tâm nău kan mhe, ntŭk ntô mhe, Kruanh Công an mhe n’gor Dak Nông Bùi Quang Thanh ngăch gĭt ntŭk kan, nău kan, ơm gĭt nsum mpôl Đảng ủy, Ban Kruanh Công an n’gor Dak Nông, ntĭm rđău rmôt Công an Dak Nông lôch uĕh ăp nău kan dơi jao, ntŭk ntô đăp mpăn, rhŏ nău kan hun hao wăng sa, rêh jêng bah n’gor Dak Nông.

Nuĭh rblang: Y Sưng Phê Ja