VOV4.M’nông: Iran mô tĭng nau kan ndrak nsiu ndrel mô lơh jêng duh jêr, mô kŭnh bôk bah năp nau lăp in tih. Nê lah nau mbơh lah bah Tổng thống Iran Hassan Rouhani tâm nar ntơm ndâk ăp ntŭk kan gưl kan neh dak bah N’gâng kan neh dak geh ƀư tâm lơ 14/6. Wa Rouhani lah, lah ăp dak ƀư nau ton Iran mra ƀư nau kan nê. Aơ lah nau kan geh mbơh kloh bah Iran tât Mỹ ndrel Châu. Tổng thống Iran ân lah, nau ƀư ăp nau ton mra geh tât nau kan ndâk njêng ndrel nâp nâl, đăp mpăn ân lam ntur neh ndrel nkuăl. Iran mô ŭch dâk n’gâng bah năp ăp nau nchâp đă ndrel nau tâm lơh kŏ kơt lah mra dơi mât đăp mpăn rnă njrăng tâm nkuăl. Gay đăp mpăn ân neh dak, Iran mô kâp dŏng ăp ntil ndơ ndrak nsiu dŏng lơh khĭt âk. Bol ma ƀư âk Urani hao tât 63%, yơn Iran mô tĭng nau kan ndrak nsiu. Tổng thống Rouhani ân gĭt, nau ƀư âk Uranium lah gay tŏng dơi nau ŭch mpeh dak si ndrel ŭnh nar bah neh dak./.

Nŭih rblang: H’Thi