VOV4.M’nông – Ôi 14/7, ta Nghĩa trang liệt sĩ n’gor Kon Tum, Thành ủy, HĐND, UBND, UBMTTQ Việt Nam nkual ƀon têh Kon Tum ƀư râng, njor n’hanh tâp 2 nting tahen khĭt tâm ăp rơh tâm lơh tâm su mhe dơi rgum ta nkual ƀon têh. 2 nting tahen dơi Ban ntĭm rđău tahen nkual ƀon têh Kon Tum tâm rgop đah Ban ntĭm rđău tahen xă Ngọc Bay n’hanh Kroong dơi rgum tâm ăp nar bôk khay 7 bâh nău mbơh nuĭh ƀon lan ta ntŭk.

Râng, njor n’hanh tâp 2 nting tahen khĭt kăl e

Nău mbơh bah Ban ntĭm rđău Tahen nkual ƀon têh Kon Tum an gĭt, nting ăp tahen dơi joi saơ tâm trôm ntu tâm lơh. Ndoh ndơ hôm e geh kho ao tahen n’hanh n’ăp 2 nting tahen mô hŏ dơi năl săk. Ta rơh tâm lơh tâm su mprơh Mỹ kơl bri dak ta nkual ƀon têh Kon Tum, n’gor Kon Tum lah ntŭk tâm lơh hô ngăn. Rlău 46 năm jêh rklaih đăp mpăn miền Nam kơp dơn ngoay neh dak, Đảng bộ, n’gâng kan ƀon lan, rmôt kan n’hanh nuĭh ƀon lan nkual ƀon têh Kon Tum hôm e joi tay, rgum nting ăp tahen hôm e geh ta ntŭk tâm lơh.

Nuĭh rblang: Y Sưng Phê Ja