VOV4.M’nông – Bah bôk năm tât a[aơ, n’gor Kon Tum le\ nsrôih du\t n’hâm tâm trong kan mât njrăng bri, rmal rjăp ăp nu^h tih.

{ư t^ng nău m^n nt^m rđau bah UBND n’gor Kon Tum tâm trong kan mât uănh njrăng n’gang bri, lah “Rmal rjăp ăp nău [ư tih, mô geh ntu\k mô an, ntu\k tât tih rmal tât ta ne\ n’ăp nu^h tih lah moh nu^h”, bah bôk năm tât a[aơ rmôt kiểm lâm n’hanh n’gâng kan [on lan ăp ntu\k tâm n’gor le\ lăp du\t n’hâm nking n’gang săk rnglăy ăp nău [ư phah bri. Bah meng ne\ trong kan nkoch trêng, rgo\ jă nu^h [on lan phong mbơh nu^h tih tâm nău kan bri dơi ntrôl dăng đo\ng. Rmôt kiểm lâm ta ntu\k le\ [ư t^ng nkoch trêng na nê| mpeh trong kan mât uănh njrăng n’gang bri ta ăp thôn, [on geh 210 tơ\ đah bơi 10.000 nu^h tât râng. Ndrel đah ne\ lah ăp trong nkoch trêng êng êng, kơt tâm Trang thông tin điện tử bah Cục kiểm lâm, Rađio ntuh nău ngơi-Ntuh rup n’gor, ăp Radio ntoh nău ngơi-ntuh rup 10 nkuăl, nkual [on têh. Wa Võ Sỹ Chung, Chi cục trưởng Chi cục kiểm lâm n’gor Kon Tum, an g^t:

“ Đah nău rđau, [^t joet bah N’gor uỷ, Uỷ ban bah bôk năm 2020 tât a[aơ mpôl hên le\ du\t nsrôih tâm trong kan mât uănh njrăng n’gang bri. Yor ne\ săk rnglăy dơi geh nu nău tih luật hu\ch. Ăp nău tih luật hu\ch tât 38%. Aơ lah du nău nsrôih bah nău kan”.

Gay mât njrăng bri, bah bôk năm tât a[aơ êng rmôt kiểm lâm bah n’gor Kon Tum le\ [ư 86 rơh uănh nđôi, rgot saơ rlău 17m3 si [ư tih n’hanh bơi 900kg grăp ryum. Ndrel đah ne\ UBND ăp nkuăl ndâk njêng đo\ng, mât ue\h 25 ntu\k uănh nđôi ăp nău kan mât njrăng bri gay uănh nđôi nu nău tih Luật Lâm nghiệp. Tâm ne\ nkuăl Ngọc Hồi 8 ntu\k; Đăk Hà mât ue\h 5 ntu\k; nkuăl Đăk Glei 4 ntu\k; nkuăl Ia H’Drai 3 ntu\k; ăp nkuăl Kon Plông, Sa Thầy du nkuăl 2 ntu\k; nkuăl Đăk Tô, Kon Rẫy du nkuăl du ntu\k. Wa Nguyễn Tấn Liêm, Quyền giám đốc N’gâng kan Tuch tăm mât rong n’hanh hun hao [on lan n’gor Kon Tum an g^t, knơm nău lăp du\t n’hâm ah nău kan dơi kan n’gâng kan [on lan ăp ntu\k le\ n’hu\ch âk ntu\k hô [ư tih:

“Le\ mkra lôch 11 ntu\k hô geh tih, n’hu\ch geh 29 ntu\k hô geh tih tâm ne\ geh du ntu\k năm 2019 rgâl an ta ntu\k ăp nkuăl Ngọc Hồi, Kon Plông, Tu Mơ Rông, Đăk Tô, Đăk Hà n’hanh Đăk Glei. UBND n’gor nt^m rđau ăp nău kan dơi kan tâm rgop đah n’gâng kan [on lan ta ntu\k [ư uănh nđôi, joi tu tơm si đah ntu\k tăch rgâl ê nkra si tâm 4 khay bôk năm 2020 jêh uănh nđôi ăp rmôt ăp nău kan mô ho\ saơ nău [ư tih mpeh sam [u\t rhăch nău, tu tơm si ta ntu\k ê nkra”.

Rmal rjăp ăp nău [ư tih Luật Lâm nghiệp, tâm 4 khay bôk năm 2020 rmôt kan dơi kan n’gor Kon Tum le\ rmal hành chính 114 tơ\; phong 9 nău tih hình sự. Tâm ne\ rmôt Công an phong 1 tơ\, rmôt kiểm lâm phong 8 tơ\. Dôl uănh nău saơ phong nău tih, phong 13 nu^t sreh kăl, rdêng si mô tâm di ta nar 29/2 ta Tiểu khu 277, ta thôn Đăk Manh 1, xă Đăk Rơ Nga, nkuăl Đăk Tô; nău phat dôih 4 nu^h geh dôih “Tih nău ntru\nh mpeh sreh kăl, mât njrăng bri n’hanh si” geh ta tiểu khu390 , 391 ta xă Măng Bút, nkuăl Kon Plông. Jêh phat dôih 4 nu^h tih mbơh mhal le\ rngôch 55 khay gu\ ndrung. Wa Nguyễn Văn Hoà, Kruanh UBND n’gor Kon Tum djôt dơn ăp nău nsrôih bah rmôt kan dơi kan [on lan tâm trong kan mât uănh njrăng bri, nkre an g^t nău m^n êng bah n’gor đah nău rmal ăp nău tih:

“Djăt tât nar lễ, tết ri gâp lah rmôt kiểm lâm đah Công an mô geh rlu an hăn jur bah dâng ne\. Lễ tết an pă rmôt kan âk lơn. Tâm rnâng kan n’gor uỷ kơt Ban Thường vụ N’gor uỷ du\t uănh m^n tât trong kan nt^m rđau, [^t joet. Mô geh mô an, mô geh nkual an ntlơi. Mô geh nu^h tih ma nking n’gang”.

Tâm nar pah kan tâm nar 30/4 đah n’gor Kon Tum, wa Hà Công Tuấn, Groi Kruanh Rnâng kan N’gâng kan tuch tăm mât rong n’hanh Hun hao [on lan m^n lah nău khlay bah trong kan mât uănh njrăng rnoh neh bri hôm [a [a\ bah nkual Tây Nguyên lah nsum n’hanh n’gor Kon Tum lah êng. Bah năp nu nău sreh kăl bri mô tâm di, bôl Kon Tum le\ rmal lôch 11 ntu\k geh hô nău tih tâm trong kan mât uănh njrăng n’gang bri n’hanh mât uănh si ghê yơn hôm 29 ntu\k geh hô êng an dơi rmal tât lôch tât du\t. Groi Kruanh n’gâng kan rnâng kan Hà Công Tuấn an lah, n’gor Kon Tum an hăn ndrel nău [ư t^ng ntop kơl trok nkhôm nu nău ntu\k ntô bri n’hanh mât njrăng bri:

“Gâp đă ăp đồng chí nt^m rđau mât uănh trok nkhôm nu nău ntu\k ntô bri hăn ndrel đah nău kan mât njrăng bri yor rnoh prăk aơ mô jêt. N’gor he du năm 2, 3 rmen prăk lah mô jêt. Prăk aơ têh âk 5, 6 tơ\ tơm prăk bah he ntuh kơl. An uănh trong nchrăp nchrăp trok so\k do\ng ăp năm n’hanh le\ đah nău kan bah ăp n’gâng kan nău kan an to\ng ăp nău trok hăn ndrel đah săk rnglăy mât njrăng bri lah mô du\t dơh jêng tât ăp nău tih êng”.

Ta nar pah kan đah UBND n’gor Kon Tum, Groi kruanh N’gâng kan Tuch tăm mât rong n’hanh hun hao [on lan Hà Công Tuấn đă n’gâng kan [on lan nt^m rđau rmôt Cảnh sát ntung trong, Uănh nđôi rmal rjăp ăp ndeh ê nkra êng; n’hao rmôt nchoeng rwang, lơh phah 29 ntu\k geh hô nău tih trong kan mât uănh njrăng n’gang bri n’hanh mât uănh si; mât uănh rjăp ăp ntu\k tăch, êng nkra si; ndâk njêng trong mbơh nu nău mpeh mât uănh njrăng bri; đah ăp nău tih geh tât nău tih phah djơh bri, tih ăp nău ntru\nh mpeh sreh kăl, mât njrăng bri an ngăch ndơ\ rmal tơih rah wah, rhăt jăp gay nkri. Groi Kruanh rnâng kan Hà Công Tuấn an g^t, N’gâng kan tuch tăm mât rong n’hanh hun hao [on nchrăp ntop kơl n’gor Kon Tum cán bộ nghiệp vụ gay ndrel [ư ue\h trong kan mât uănh njrăng bri bah n’gor./.

Nu^h rblang: Y Sưng Phê Ja