VOV4.M'nông: Nkhêp geh khay kan an nuĭh âk năm deh Việt Nam năm 2021 (khay 10), kêng măng 27/10, Kruanh dak Nguyễn Xuân Phúc khâl n'hanh pah kan đah du đêt doanh nghiệp ntoh lư tă bah doanh nhân nuĭh âk năm deh mât ta Hưng Yên n'hanh Hà Nội, gay mpư rnê, rgŏ jă ăp nuĭh âk năm deh ntoh lư lah kruanh mât  bôk kan doanh nghiệp.

Lôch rnôk khâl ăp doanh nghiệp, Kruanh dak Nguyễn Xuân Phúc hŏ pah kan đah kruanh rđău kan nkual ƀon têh Hà Nội n'hanh ăp nuĭh ntoh lư lah nuĭh âk năm deh mât bôk kan doanh nghiệp. Lah ta rnôk pah kan, Kruanh dak Nguyễn Xuân Phúc rnê âk nkual ƀon têh Hà Nội hŏ tĭng ƀư jăp pah kan njrăng n'gang nuh srê Covid-19, tât aƀaơ rnoh nuĭh chuh 1 n'glai rlău 95%, n'glai 2 lah rlău 57%, nkre tĭng ƀư jăp pah kan ntop kơl nuĭh ƀon lan, doanh nghiệp geh tât khuch nuh srê Covid-19. Ndrel đah nê lah tĭng ƀư jăp trong kơl đăp mpăn lam rêh jêng kon nuĭh, tâm nê ntêm an nău khlay êng tât nuĭh âk năm deh, lĕ ma ntop kơl tơm nuĭh kan n'hanh mât chăm n'hâm suan đah tơm ndơ rlău 734 rmen prăk/năm.

Nuĭh rblang: Điểu Thân