VOV4.M’nông: Kŏ tâm rơh hăn khâl ngăn tât dak Lào, Kruanh dak Nguyễn Xuân Phúc ndrel I ur hŏ tât ôp khâl, nkoch bri đah nŭih kan ntoh măt bah Việt Nam pah kan ta Lào ndrel ntoh măt ƀon lan Việt Nam, ntŭk kan tăch rgâl, kon se nti bah Việt Nam dôl ntuh kơl, ntĭm nti ta Lào. Kruanh dak Nguyễn Xuân Phúc lah rjăp, rơh khâl kŏ geh nau dơi ueh ăp ntil, aơ lah rnơm nau rgop ngăn ndrle nau pah kan săk jêng bah ntoh măt ntŭk kan dak nơm, ndrel ma nau kơl an bah nsum mpôl nŭih Việt Nam dôl rêh, pah kan ta Lào. Kruanh dak lah rjăp, 100 rbăn nŭih Việt Nam ta Lào kŏ mro rƀŏng tât ƀon tơm nơm, ndrel nsôih nau kơl an ân ƀon lan tâm dak tâm rnôk mâp nau jêr yor srê Covid-19. Tâm nuih n’hâm nê Kruanh dak Nguyễn Xuân Phúc ŭch nsum mpôl nŭih Việt Nam ta aơ kơt tĭng nau ơm ueh, gay ăp kon nŭih Việt rêh ndrel pah kan tâm dak Lào mro lah nŭih leo trong ang, tâm di ngăn lah nŭih Việt Nam./.

Nŭih rblang: H’Thi