VOV4.M’nông – Kruanh dak Nguyễn Xuân Phúc đah I ur Trần Nguyệt Thu n’hanh mpôl ntoh măt gưl prêh Đảng, Ngih dak Việt Nam lĕ sĭt tât Tach ndeh păr Quốc tế Nội bài, Thủ đô Hà Nội, lôch uĕh lĕ rngôch rơh hăn khâl dăch dêh na nê̆ dak CHDCND Lào. Aơ lah rơh khâl ăp ding dak bah dih na nê̆ bôk năp bah kruanh gưl prêh Đảng, Ngih dak he jêh Đại hội Đảng 13; nkre lah rơh khâl dak bah dih bôk năp bah wa Nguyễn Xuân Phúc ta nău kan ƀư Kruanh dak. Tâm 2 nar bah 9-10/8, Kruanh dak Nguyễn Xuân Phúc lĕ geh rlău 10 nău ƀư rgum nchră, rgum rgop nău, tâm mâp gưl prêh. Ăp nuĭh tâm mpôl hăn lĕ geh 15 nău ƀư tâm mâp, tâm nchră đah ăp ƀan, n’gâng kan, nău kan, ƀon lan bah Lào. Tâm rơh khâl, lĕ geh 14 sam ƀŭt kan ndrel dơi ký ton, tâm rgâl đah ăp n’gâng kan, nău kan, doanh nghiệp n’hanh ƀon lan 2 dak. Ăp săk rnglăy aơ an saơ, rơh khâl lĕ dơi geh âk săk rnglăy geh nkô̆ khlay, nta an nău rgâl mhe tâm nău mât tâm boh dăch deh têh, tâm rnglăp khlay êng n’hanh kan ndrel lĕ rngôch Việt Nam-Lào.  

Nuĭh rblang: Y Sưng Phê Ja