VOV4.M'nông: Kêng măng 3/11, tâm bôk nău kan râng nkah ndray 190 năm njêng n'gor Lạng Sơn, Kruanh dak Nguyễn Xuân Phúc mâp, pah kan đah kruanh rđău kan n'gâng tơm n'gor Lạng Sơn. Lah ta rơh pah kan, Kruanh dak Nguyễn Xuân Phúc rnê âk n'gor Lạng Sơn, bol tâm rnôk nuh srê hôm an ƀư jăp nău kan wăng sa rêh jêng kon nuĭh, njrăng n'gang neh dak rnă njrăng. Tâm nê, ăp rnoh tât kan hun hao, sŏk geh ngân sách, tăch rgâl geh nău dơi uĕh đŏng.

Yơn lah, Kruanh dak njrăng đă n'gor Lạng Sơn ân rgum tơm ndơ, tơm prăk ntuh kơl, tơm nuĭh kan, trong kơl, kon nuĭh an hun hao wăng sa nsing ta pe jâng ndăl wăng sa bah Lạng Sơn nê lah wăng sa mpông n'har bri, wăng sa pâl nđaih jŏ jong; tuch tăm ăp tŏng ndơ dŏng nkre đah công nghiệp, công nghiệp nkret njêng tăch n'gluh; Ân mât njrăng n'hanh tăm bri, mât uĕh săk geh wăng sa bri; mât dŏng ăp dơh geh bah tơm sa play, tơm dak si. Ndrel đah nê, rgâl uĕh tay ntŭk ntuh kơl tăch rgâl gay lăp rmôt rĭng geh mbơm oi lam dak./.

          Nuĭh rblang: Điểu Thân