VOV4.M'nông: Tâm rnôk hăn khâl ngăn dak Cộng hòa Dân chủ Nhân dân Lào, nŭng nar 10/8, ta thủ đô Vientiane, Kruanh dak Nguyễn Xuân Phúc wơt Groi kruanh dak Lào Pany Yathotou n'hanh Groi kruanh dak Lào Bounthong Chitmany. Ta rơh wơt, Kruanh dak Nguyễn Xuân Phúc lah rjăp Đảng, Ngih dak n'hanh ƀon lan Việt Nam way uănh khlay n'hanh rong an lor rdâk njêng dăng tâm boh tâm rnglăp way ơm, tâm rnglăp mha êng n'hanh tâm boh lam lĕ rngôch Việt Nam- Lào. Kruanh dak dăn đă bar ding kan nsum tay an ƀư geh nău tam tâm ton gưl têh hŏ dơi ký ton; ntrôl dăng tâm boh ta lĕ rngôch ăp trong kan, nta trong dơh an ăp trong nchrăp kan nsum khlay, ndrel đah nê lah nău ntop kơl nsum, lơn lah ăp n'gor tâm kâng n'har bri bar dak, gay njrăng n'gang nuh srê n'hanh hun hao wăng sa- rêh jêng kon nuĭh; ntrôl dăng nkoch trêng, ntĭm nti mpeh nău way ơm tâm boh tâm rnglăp mha êng Việt - Lào, lơn lah an rơh kơn mom ndăm./.

Nuĭh rblang: Điểu Thân