VOV4.M'nông: Kêng măng nar 12/8, ta Nhih pah kan kruanh dak, Kruanh dak Nguyễn  Xuân Phúc hŏ wơt wa Kamal Malhotra, Nuĭh đă hăn kan way gŭ kan bah Liên hợp quốc ta Việt Nam, tât ntĭnh sĭt lor rnôk lĕ năm pah kan. Kruanh dak mbah rhơn nuĭh đă hăn tâm pă kan hŏ lôch jêh uĕh nău kan ta Việt Nam. Kruanh dak lah rjăp Việt Nam uănh khlay nău ntop kơl, ndrel hăn n'hanh tâm boh khlay bah ăp mpôl kan Liên hợp quốc đah Việt Nam tâm puăn rach năm aơ n'hanh rhơn rnôk saơ tâm boh bar ding nar lơn ma hun hao jru hvi. Kruanh dak Nguyễn Xuân Phúc dăn đă tâm let năp tay Liên hợp quốc geh tay ăp trong nsŏng kơl năn ngăch, ntop kơl prăk kaih n'hanh kỹ thuật an Việt Nam, tâm nê ntop kơl Việt Nam rgâl trong leo hun hao tĭng trong rƀŏng ndăn uĕh trong dơh geh bah rơh Cách mạng công nghiệp 4.0, jŏ jong lơn, nkrum lam lơn, mô an geh nuĭh ntlơi êng bah kơi, tâm di đah trong rƀŏng lam ntŭr neh, rƀŏng tât tĭng ƀư mpeh hun hao neh dak ma Đại hội Đảng XIII hŏ ndơ̆ luh./.

Nuĭh rblang: Điểu Thân