VOV4.Mnông-  Ôi nar 4/11, kruanh dak Nguyễn Xuân Phúc lĕ râng rơh kahgĭt 190 năm nar njêng n’gor Lạng Sơn n’hanh pă an n’gor Lạng Sơn Huân chương độc lập Hạng ngoăy. Ndơn kan an nuĭh leo kan Đảng, ngih dak, kruanh dak Nguyễn Xuân Phúc lĕ njoăl nău ôp khâl, ăp nău rŏng ueh bên n’hanh nău rhơn ueh tât Đảng bộ, n’gâng kan n’hanh ƀon lan ăp mpôl rnoi n’gor Lạng Sơn.

Ăp nău dơi têh kuăng, lĕ rngôch ma Đảng bộ, n’gâng kan, n’hanh ƀon lan ăp mpôl rnoi n’gor Lạng Sơn dơi geh tâm ba năp dŭt ryơk rnê, geh Đảng n’hanh ngih dak kơp dơn, rnê âk, nău nkoch way ơm bâh n’gor Lạng Sơn lơ ma ntoh lư yor ăp nău dơi, nău tâm rgop têh khlăy ta nău kan mât n’hanh rdâk njêng neh dak, ngăn lah lôch rlău 30 năm rgâl mhe. Ndrel đah hun hao wăng sa, kruanh dak lĕ đă n’gor Lạng Sơn an geh mât uănh tât văn hóa, rêh jêng đăp mpăn nău rêh, uănh khlăy tât ntĭm nti, khoa học công nghệ, dak si, n’hao săk soan an ƀon lan.

Nuĭh rblang: Thị Đoắt