VOV4.Mnông- Dơn nău jă bâh Tổng thống Kenya, kruanh mât tâm pleh nău kan Hội đồng bảo an LHQ khay 10/2021, măng nar 28/10, kruanh dak Nguyễn Xuân Phúc tât râng n’hanh ntoh ngơi ta rơh tâm nchră pơk hvi gâl têh trực tuyến mpeh tâm kơl đah LHQ n’hanh âk dak châu phi kan ndrel AU đah bôk nău “N’hao nău tâm rnglăp yor đăp mpăn n’hanh rnă njrăng tâm ntŭk gŭ rêh geh tâm rkeh dôl rgâl”. Nău kruanh dak Nguyễn Xuân Phúc tât râng rơh tâm nchră lah na nê̆ nău kan, tâm rgop dơn kan bâh Việt Nam tâm nău tâm kơl đah LHQ n’hanh ăp ntŭk kan ta nkual, nkre lah tâm rgop geh nău dơi lĕ dơi geh tâm khay Việt Nam ƀư kruanh hội đồng bảo an LHQ khay 4 năm 2021. Ta rơh tâm nchră, kruanh dak uănh rnê âk nău dơi geh, nău nsrôih mpeh hun hao n’hanh lăp kan ndrel lam ntur neh bâh châu phi tâm ba năp nơh, nkre lah tâm kơl đah âk nău jêr, ntul rlong rnă njrăng way ơm, mô geh ơm ƀư ma châu phi aƀaơ dôl tâm rdâng, ngăn lah ăp nău tât mô ueh bâh rơh tâm rkeh, uh ah, nuh srê Covid-19.

Nuĭh rblang: Thị Đoắt