VOV4.M’nông: Kêng măng 14/6, ta Ngih kan Quốc hội, Kruanh Quốc hội Vương Đình Huệ hŏ vơt nŭih ntoh măt bah Philipines Maynardo Los Banos Montealegre tât mbah ôp. Ntoh nau ta nar vơt, Kruanh Quốc hội Vương Đình Huệ đă nŭih kan ntoh măt bah Philipines tâm năm gŭ kan bah nơm, tâm rgop gay ma ntrŭt dăng nau ntrŭnh nau kan tơm tâm nau tâm boh đah Quốc hội Việt Nam ndrel Thượng viện n’hanh Hạ viện Philipines, rƀŏng tât uănh nau ký nau nchrăp tâm boh kan nsum đah bar Quốc hội ƀư nau kan ân ăp nau tâm boh gay ma tâm ban ma nau tâm boh kan nsum đah bar dak ndrel tâm boh ueh đah bar Quốc hội. Geh tât nau kan mât rnă njrăng tâm dak lêng biển Đông ndrel đăp mpăn trong dak lêng, Kruanh Quốc hội Vương Đình Huệ tâm ban ma nau đă bah nŭih kan ntoh măt ân geh n’hao nau tâm nchră, kơl an nau mĭn kan nsum bah nơm mpeh nau kan biển Đông tĭng ăp nau kan hĭ tâm ban bah ASEAN, ƀư tŏng ndrel săk tam DOC ndrel tâm rgop tâm nchră COC tâm nau ryơk luật pháp lam ntur neh, ngăn lah nau tâm ton bah Liên hợp quốc mpeh Luật dak lêng năm 1982./.

Nŭih rblang: H’Thi