VOV4.M'nông: Kêng măng 29/10, ta Nhih pah kan Chính phủ, Bí thư Trung ương Đảng, Groi Thủ tướng Lê Minh Khái hŏ wơt Bộ trưởng Bộ Pring xăng Kuwait dôl geh hăn khâl n'hanh pah kan ta dak he. Groi Thủ tướng Lê Minh Khái an gĭt, aƀaơ nô nău nuh srê Covid-19 ta Việt Nam hŏ dơi mât kân uĕh lơn. Việt Nam  hŏ tĭng kơn pơk tay mpông, tĭng ƀư trong kan "bên di đăp mpăn, ngăch ngăr, mât kân geh nău tam COVID-19”. Groi Thủ tướng lah uĕh nău ntop kơl vaccine njrăng n'gang COVID-19 bah Thủ tướng Chính phủ Kuwait đah Việt Nam n'hanh an lah, nău dja mbra rgop kơl Việt Nam ơm plơ̆ tay nău rêh kơt ơm mhe. Tâm pă đah Việt Nam mpeh ăp jêr jŏt tă bah nuh srê COVID-19 lơh, Bộ trưởng Bộ Pring xăng Kuwait an gĭt, nkhêp geh rnôk dja, Thủ tướng Kuwait hŏ n'glêh an ntop kơl Việt Nam 500.000 dĭng vaccine njrăng n'gang COVID-19, nkre Chính phủ Kuwait mĭn uănh tay gay ntop kơl Việt Nam tâm njrăng n'gang nuh srê đŏng./.

Nuĭh rblang: Điểu Thân