VOV4.M’nông – Malaysia dôl geh trong nchrăp ndâk ƀư tay ăp ntŭk chuh têh ta lam dak, gay đăp mpăn nar geh ta 150 rbăn nuĭh dơi chuh vaccine njrăng n’gang srê Covid-19. Tĭng trong nchrăp bah chính phủ Malaysia, dak aơ mbra ndâk ƀư 5 ntŭk chuh têh wăr nkual thủ đô Kuala Lumpur n’hanh uănh mĭn tay ndâk ƀư tay 2 ntŭk tay ta ăp bang Penang n’hanh Johor ta mpeh bah dâng. Tĭng nău mbơh bah N’gâng kan dak si Malaysia, tât aƀaơ bơi 6% rnoh nuĭh lĕ dơi chuh. Bôl rnoh nuĭh dơi chuh dŭt âk yơn nu nău srê Covid-19 ta Malaysia hôm e jêr jŏt rnôk rnoh ntưp Covid-19 rlău 1rkeh nuĭh bah dak aơ lĕ rlău Ấn Độ. Ta năp nu nău jêr jŏt bah srê, Thủ tướng Muhyidin Yassin lĕ an mbơh nchăng n’gang tay neh dak tâm 2 pơh kơp bah nar bar pơh bah kơi.

Nuĭh rblang: Y Sưng Phê Ja