VOV4.M'nông:  Nar ntri (9/6), ăp cử tri Mông Cổ hŏ nklăch phiếu sơch Tổng thống tâm rnôk nuh srê Covid-19 dôl hôm mƀui tĭng tay ta dak dja. Tĭng nău lư bah Ủy ban Bầu cử Quốc gia Mông Cổ, rơh bầu cử Tổng thống hŏ ƀư ngăn tâm 7h ôi 9/6 n'hanh lôch jêh tâm rnôk 10h măng ndrel nar. Geh 3 nuĭh râng tâm rlong ƀư Tổng thống năm kan dja ta Mông Cổ, lah Thủ tướng ơm Ukhnaagiin Khurelsukh (nuĭh tâm rlong bah Đảng Ƀon lan mât bôk), wa Erdene (bah Đảng Dân chủ) n'hanh wa Enkhbat (bah Liên minh “RPC”). Tă bah rơh bầu cử ƀư tâm rnôk nuh srê, Ủy ban Bầu cử Quốc gia Mông Cổ hŏ kuăl jă cử tri nsrôih râng nklăch phiếu tâm rnôk hôm tĭng ƀư lhăt jăp ăp quy định tâm njrăng n'gang nuh srê đŏng. Rơh bầu cử Tổng thống năm aơ lah rơh bầu cử lor bôk năp dơi ƀư lôch rnôk Mông Cổ rgâl hiến pháp n'hanh Luật bầu cử Tổng thống  geh nău tam./.

Nuĭh rblang: Điểu Thân