VOV4.Mnông-  Ƀư tay bôk nău kan ta rơh rƀŭn nchră tal 2, Quốc hội khóa 15, ôi nar 26/10, mpôl Đại biểu quốc hội n’gor Dak Lak lĕ tâm nchră n’hanh dơn ngoăy âk nău tâm rgop mpeh nkô̆ nău nchrăp Luật cảnh sát cơ động. Lôch geh djăt nău mbơh mpeh nău nchrăp Luật Cảnh sát cơ động, mpôl đại biểu Quốc hội n’gor Dak Lak lĕ geh dơn ngoăy âk mpeh nău khlăy bâh n’hao pháp lệnh cảnh sát cơ động jêng luật Cảnh sát cơ động.

Ăp đại biểu an lah, nău n’hao jêng Luật lĕ geh kơp dơn nău tâm rgop mpeh nău kan bâh mpôl cảnh sát cơ động tâm nău mât đăp mpăn rnă njrăng ngih dak. Tâm rgop an nău nchrăp Luật cảnh sát cơ động, ăp đại biểu Dak Lak dăn đă: Tâm Luật geh nkoch mbơh tât 2 nău dơi kan mhe bâh mpôl cảnh sát cơ động nĕ lah: Dơi geh njôt leo phao blêu, ndơ dŏng , ndeh klư lăp ta ndrâm dak lêng n’hanh ndeh păr. Geh năp tay ndeh păr, duk mpan gay ma kơl an nău kan, nău aơ lah tâm di đah nău pah kan nsum.

Nuĭh rblang: Thị Đoắt