VOV4.M’nông: Ngoại trưởng Mỹ Antony Blinken dôl geh hăn khâl glêh nar tât nkual Trung Đông, gay rdâk tay nău tay ntrŭnh rlu pănh mhe aơ đah Israel n'hanh ăp rmôt tahen Gaza, tâm ban kơt kơl ngăch nuĭh đah bar rkeh nuĭh ƀon lan Palestine. Lôch rnôk hăn tât tach ndeh păr Ben Gurion bah Israel nar 25/5, Ngoại trưởng Mỹ hŏ geh rơh mâp Thủ tướng Benjamin Netanyahu ta Jerusalem. Wa Blinken mpơl nău ton bah Mỹ đah rnă njrăng Israel n'hanh lah rjăp, gay nking nchăng plơ̆ tay tâm lơh tâm su, ân nkra du rut âk nkô̆ nău ntul rlong rŭ hôch. Lor bôk năp ntơm ma trong nkra nô nău kơl nuĭh hô ta Gaza. Lôch nê, wa Blinken geh rơh mâp đah Tổng thống Palestine Mahmoud Abbas ta nkual ƀon têh Ramallah ta Bờ Tây. Ta rơh mâp Ngoại trưởng Blinken mbơh Mỹ mbra pă an 5,5 rkeh đôlar kơl nău tât an Gaza.

Nuĭh rblang: Điểu Thân