VOV4.M’nông: Iran rơh bôk năp lơi dơm nau mra tâm nchră đah Mỹ lah geh dơi nau mpŏng mpeh nau nchrăp kan geh nau dơi đah ăp nau đăp mpăn rjăp ngăn. Ntŭk nkoch mbơh nau Ngih dak IRNA mbơh nau bah Kruanh n’gâng kan Hô-xê-in A-mi-ra-ráp-đô-la-hi-an, mbơh, Iran mra mô geh lơi dơm lah geh nau gay ma dơi du nau nchrăp kan ân nơih ueh. Nau mbơh hŏ ndơn geh nau nkoch ueh đŏng tă bah Mỹ rnôk ma dak aơ ton mra râng ăp nau tâm nchră ƀư nau kan ndal. Aơ geh uănh lah du nhoat mhe jêh âk nau nsôih mô geh nau dơi gay ma kơl an nau nchrăp nau kan ndrak nsiu năm 2012. Tĭng N’gâng kan nchră nau dak Mỹ, dak aơ hŏ tă bah jŏ mât nau mĭn lah mra geh săk tam lơn lah nau tâm nchră sŏng đah Iran mpeh nau nchrăp nau kan ndrak nsiu ndrel ăp nau kan êng êng./.

Nŭih rblang: H’Thi