VOV4.M'nông: Tâm rlăch đah Israel n'hanh Lebanon geh lôch rnôk Israel mbơh ndơ̆ du bôk tàu lôk joi dak ŭnh tât ntu Karish -nkual dơi mĭn lah dôl geh tâm pit đah Lebanon ta dak lêng Địa Trung Hải. Nău kan dja hŏ ƀư jêng nuih ăl bah ăp kruanh tâm chính phủ Lebanon, yor ntu Karish gŭ tâm du nkual dôl geh tâm pit đah Lebanon n'hanh Israel. Tổng thống Lebanon, Michel Aoun lah rjăp ăp nău kan lôk joi bah Israel ƀư ta nkual tâm pit lah nău kan lăp tih, ntêt nkri tât đăp mpăn n'hanh rnă njrăng dak bah dih. Tổng thống Lebanon lah rjăp jă nuĭh nkra bah nău tâm rkeh Mỹ tât thủ đô Beirut gay tâm nchră mpeh nău ntrŭt ntrôl ăp rơh tâm nchră tâm pă n'gâng ntăm n'har dak lêng mpeh bah dâng n'hanh nsrôih gay dŭt bah tâm nchră tâm mông nar dŭt ơm./.

Nuĭh rblang: Điểu Thân