VOV4.M’nông – Nar 4/8, N’gâng kan tâm rnglăp nchră nău lĕ mbơh, nkoch nău klach rvê hô mpeh nu nău tâm lơh ta Nagorno-Karabakh, nkre kuăl jă Azerbaijan n’hanh Armenia rlu pănh. Rmôt mât đăp mpăn bah Nga dôl nsrôih dŭt n’hâm gay đăp mpăn nu nău. Kruanh nchră nău Nga Lavrov dôl tâm ôp rjăp đah ăp nuĭh tâm ban gưl kan Azerbaijan n’hanh Armenia gay mkra nu nău. Nga kuăl jă ăp dĭng ât n’hanh tĭng nău rlu pănh. Nga an lah nău mkra tâm rkeh đah Azerbaijan n’hanh Armenia knŭng dơi ƀư tĭng ăp trong mkra chính trị n’hanh tâm rnglăp, geh tât nău mĭn êng bah ăp ding n’hanh tĭng rjăp ăp nău ntrŭnh tâm nău mbơh rlu pănh bah ăp nuĭh kruanh Nga, Azerbaijan n’hanh Armenia nar 9/11/2020. Tổng thống Putin lĕ tâm nchră đah ăp nuĭh bah Hội đồng rnă njrăng Liên bang Nga mpeh nău jru bah nu nău hao tâm lơh ta Nagorno-Karabakh.

Nŭih blang: Y Sưng Phê Ja