VOV4.M’nông- Nar 30/3, Pháp mbơh nău pah kan bâh n’gâng kan dak si ta ăp ntŭk nklăch phiếu ta rơh săch Tổng thống nchrăp geh ƀư ta nar 10/4 n’hanh 24/4. N’gâng kan nội vụ Pháp an gĭt, ăp nuĭh lăp ta ntŭk nklăch phiếu mbra mô kâp geh ndơ̆ sƀ lĕ lôch chuh vacxin mô lah nău geh lôch xét nghiệm Covid-19 mô geh ntưp. Nău wăn bok put mbung n’hanh gŭ tâm ƀah ngai mô kâp ơm, yơn mbra đă ăp nuĭh âk năm deh, ăp nuĭh dơh geh nău ntưp n’hanh ăp nuĭh dôl ntưp đah Covid-19 văn bok put mbung. Bok put mbung pă dơm ơm geh ta lĕ rngôch ăp ntŭk nklăch phiếu, an ƀon lan n’hanh nuĭh pah kan ta ntŭk nklăch phiếu săch gay ma văn lah mô. dak côl n’hanh dak rao ti mbra ơm geh đŏng ta ăp ntŭk nklăch phiếu.

      Nuĭh rblang: Thị Đoắt