VOV4.M’nông: Kêng măng 10/3 (tĭng mông Việt Nam), Kruanh n’gâng kan Nga Sergei Lavrov ndrel Kruanh Ukriane Dmytro Kuleba ntơm nau tâm nchră ta Thổ Nhĩ Kỳ. Rơh rƀŭn geh năl lah dŭt jêr ndrel mô dơi geh ăp nhoat mpeh nau kan nchrăp nsrŭng pănh mô lah nau kan geh trong kơl an, yơn ăp ding hôm jâp nau dơi geh tâm nchră, Ntoh nau tâm nar rƀŭn mbơh jêh nar tâm mâp, Kruanh n’gâng kan Ukraine ân gĭt mô dơi geh ăp nhoat mhe tâm nau ƀư ân dơi geh du nau nsrŭng pănh ta Ukraine. Tâm rnôk nê, Kruanh n’gâng kan Nga Sergei Lavrov ntôn lan nau kan nkri bah ăp dak phương Tây ta Ukraine đah nau pă ndrak nsiu ân neh dak aơ, nkah nduih ăp nau kan aơ mra geh nau khuch tât nau đăp mpăn tâm nkuăl tâm âk năm ba kơi./.

Nŭih rblang: H’Thi