VOV4.M’nông – Tâm nău mbơh ăp năm di Quốc khánh ta măng nar 21/8, Thủ tướng Singapore Lý Hiển Long kuăl jă nuĭh ƀon lan dak aơ tâm rnglăp, rŭn hao êng n’hanh mât nău mĭn êng nơm ƀư tĭng luật pháp lam ntŭr neh gay mât nâp đăp mpăn, ƀư tơm n’hanh neh dak uĕh lăng bah ndru gôl dak aơ. Tâm nău ntoh ngơi, Thủ tướng Lý Hiển Long an gĭt ntŭk ntô bah dih dôl jêr dơi nchroh. Tâm boh Mỹ-Trung nar lơ duh jêr n’hanh tâm rkeh hôm tâm âk nău kơt tăch rgâl, rnă njrăng mạng, Biển Đông, Hồng Công n’hanh Đài Loan. Thủ tướng Lý Hiển Long lah rjăp Chính phủ Singapore mô săch ăp ding, mbơh an nuĭh ƀon lan njrăng ăp nău lơh phah bah ăp nuĭh rlăng bah dih, kơl Singapore mât njrăng đăp mpăn, ƀư tơm n’hanh uĕh lăng neh dak bah nơm.

Nuĭh rblang: Y Sưng Phê Ja