VOV4.M'nông: Văn phòng thủ tướng Israel an gĭt, Thủ tướng Naftali Bennett n'hanh Tổng thống Mỹ Joe Biden hŏ geh rơh kuăl điện tâm nchră tâm ôp mpeh nkô̆ nău hạt nhân I-ran n'hanh ăp nkô̆ nău dak bah dih êng ƀa ƀă 2 ding ndrel uănh khlay. Tâm du nău mbơh, 2 kruanh rđău kan an gĭt hŏ tâm nchră mpeh trong "nking nchăng bôk nău kan hạt nhân bah I-ran”. Thủ tướng Israel hŏ jă Tổng thống Joe Biden n'hanh i ur tât khâl dak dja. Rơh kuăl điện tâm nchră ƀư tâm rnôk ăp rơh tâm nchră dak bah dih ta Vienna, Áo mpeh nău rdâk tay tâm ton hạt nhân năm 2015 đah ăp dak têh ndrŏng lam ntŭr neh n'hanh Iran dôl lăp tâm rơh n'glĕ dŭt. Iran way lah rjăp bôk nău kan hạt nhân bah dak dja lah gay mât njrăng nău đăp mpăn./.

Nuĭh rblang: Điểu Thân