VOV4.M’nông: Tổng thống Iran lah, nau pơk hvi bah NATO lah nau nkri jâk hô ngăn đah nau đăp mpăn ndrel rnă njrăng bah ăp dak đăp mpăn êng. Nau ton lah aơ geh Tổng thống I-ran Ebrahim Raisi ndơ̆ luh tâm rnôk kuăl điện thoại tâm nchră ma Tổng thống Nga Vladimir Putin. Bah năp nê ndrel nar, Kruanh n’gâng kan nchră nau I-ran A-mi-rob-dol-la-hi-an hŏ kuăl jă ăp nau kan gay mât đăp mpăn ân nau rŭng răng ndrel ân lah nau tâm lơh mô di lah du trong ueh. Wa A-mi-rab-dol-la-hia-an ân lah, ân geh ndâk du nau nsrŭng pănh ndrel joi luh du nau kan chính trị nkre nkah tay nau lah rjăp bah I-ran lah NATO ndrel Mỹ ân geh rdâng nau tih mpeh ăp nau lơh ma dih hô đah Nga ndrel Ukraine. Kruanh n’gâng kan nchră nau I-ran ân lah, nau rŭng răng bah Ukraine ntơm bah ăp nau kan joi lơh bah NATO./.

Nŭih rblang: H’Thi