VOV4.Mnông- Nar aơ, 27/10, Quốc hội tâm nchră trực tuyến mpeh nău nchrăp Nghị quyết mpeh du đê̆ nău kan, nău kơl kan way ơm hun hao bâh 4 ntŭk, geh nkuăl ƀon têh Hải Phòng, n’gor Nghệ An, Thanh Hóa n’hanh Thừa Thiên Huế. Ta bah dih rơh rƀŭn nchră Quốc hội, du đê̆ đại biểu an lah, lah geh mbơh nău kơl kan way kan gay ma ntrôl an hun hao wăng sa rêh jêng ta ntŭk lah tâm di, yơn an geh mât đăp mpăn ueh “neh bri, neh ba”. Du đê̆ đại biểu lah na nê̆, nău mô dơi geh mât bri lĕ ƀư jêng nău tât mô ueh, geh mô ueh tât hun hao nâp nâl, ngăn lah tâm rnôk mbơh njrăng mpeh ntŭk gŭ rêh aƀaơ. Yor nĕ, nău kan way êng mpeh mât neh ntu n’hanh rgâl nkô̆ dŏng neh, ngăn lah neh bri, tâm rgop ueh dơh lơn nău ƀư săm ƀŭt dŏng neh, nta nău dơh nơih an ăp ntŭk tâm lah geh nău khlăy an geh rgâl nău dơi dŏng neh. Yơn nău rgâl an geh mât đăp mpăn tâm di n’hanh nsĭt tay săk rnglăy na nê̆, ngăn lah mât ueh ntŭk gŭ rêh n’hanh hun hao an tâm di nâp nâl.

Nuĭh rblang: Thị Đoắt