Bâh bôk năm kan tât aƀaơ, Quốc hôị lĕ geh ntrŭnh 99 luật, 165 nghị quyết, geh nđâp lĕ rngôch ăp trong kan wăng sa, rêh jêng, mât rnă njrăng ngih dak, nchră nău đah dak bah dih, mât njrăng sa nkhiăn sa ƀer, mpung lir, nău mĭn mô ueh, ndơm nău kan nâp nâl an nău rdâk njêng trong kan chính trị kloh rjăp, dăng, săk rnglăy, pah kan tam, dăch ƀon lan, dơh an ƀon lan n’hanh kơl an ƀon lan, doanh nghiệp an ueh lơn. Kruanh Quốc hôị Trần Thanh Mẫn lah na nê̆. "Ngăn lah, Quốc hội lĕ mbơh Nghị quyết rgâl mhe, ntop du đê̆ nkô̆ bâh Hiến pháp, rgâl mhe Luật leo kan Quốc hôị, Luật leo kan n'gâng kan ta ntŭk, Quốc hội, Uỷ ban rnâng kan Quốc hôị lĕ geh ntrŭnh tĭng nău dơi geh ăp nghị quyết mpeh pă dăp ntŭk kan hành chính gưl n'gor, gưl xã. Aơ lah ăp nău ntrŭnh khlay ngăn, geh nău khlay mpeh lịch sử na nê̆, geh kan n'hanh geh tât nău kan lam trong kan chính trị, tât ăp nuĭh ƀon lan, lam ntŭk rêh jêng"”

Quốc hội lĕ rgum doh rklaih ăp nău kan tơm khlăy mpeh nău koư văk mpeh nău leo kan mhe hun hao wăng sa rêh jêng tâm rach năm mhe ngăn lah mbơh tơih 4 Nghị quyết trong kan tom, Nghị quyết 57 mpeh khoa học công nghệ, rgâl mhe nău mĭn kan, rgâl mhe rnoh mbrô ngih dak, Nghị quyết 59 mpeh lăp kan ndrel đah lam ntur neh ,Nghị quyết 66 mpeh rdâk njêng n’hanh ƀư tiưng pháp luật, Nghị quyết 68 mpeh hun hao wăng sa kan êng. "Quốc hội lĕ geh nău rgâl mhe nău kan tơm nău mĭn rdâk njêng pháp luật tĭng trong nkre mât đăp mpăn nău đă mât leo kan Ngih dak, nkre đă mĭn kan, rklaih đăp mpăn lĕ rngôch nău kan kan jan sa, mbluh aih rnoh kan gay ma hun hao. Bâh nău nklơi nău mĭn mô dơi mât njrăng rĭ mô an kan”, ăp nău ƀư tĭng mô nău ngăn rgâl mhe mbro rĭ pă an Chính phủ, ta ntŭk kan ntrŭnh gay ma mât đăp mpăn ueh nău  leo kan. Ntrôl dăng pă nău kan, pă nău dơi đah trong kan ta ntŭk ntrŭnh, ta ntŭk kan, ta ntŭk dơn kan”, rgâl mhe lĕ rngôch gay ma nău kan hành chính, n’huch prăk kan ƀư tĭng, nta nău dơh nơih âk ngăn an ƀon lan n’hanh doanh nghiệp ;ƀư tĭng pă mât đăp mpăn an tâm di đah nău kan leo kan geh ƀư.

Quốc hội lĕ geh ƀư tŏng ăp, tâm di n’hanh săk rnglăy nău ntrŭnh mpeh nău khlay bâh wăng sa, rêh jêng, mât rnă njrăng ngih dak, nchră nău đah dak bah dih, mât đăp mpăn lĕ rngôch, geh nău tâm rgop na nê̆ đah nău ŭch geh kan n'hanh rnoh nuĭh kan geh ƀư tĭng. Âk nău ntrŭnh geh nău khlăy mhe, ê hŏ tă geh bâh ntơm tât aƀaơ, mpơl na nê̆ nău mĭn sŏk kon nuĭh ƀư tơm, ăp nău ntrŭnh, nău kan yor ƀon lan da dê.

Âk nău ntrŭnh khlăy kơt: Nghị quhun hao ngih jay gŭ, Nghị quyêts mpeh mô sŏk prăk nti, kơl prăk nti đah oh kon mầm non, kon hoc nti phổ thông, nuĭh nti  giáo dục phổ thông ta ăp ntŭk kan ntĭm nti tâm ntrong kan ntĭm nti lĕ ƀon lan. Nghị quyết mpeh ntĭm nti mầm non an oh kon se mẫu giáo bâh 3 tât 5 năm deh.

Quốc hội lĕ n’hao nău kan “soan dăng ueh rmên” bâh nchră nău đah dak bah dih, nău kan đah dak bah dih bâh Quốc hôị lĕ tâm rgop săk rnglăy ta nău ƀư tĭng trong kan nchră nău đah dak bah dih kan êng, leo tơm, đăp mpăn, tâm rnglăp, âk nău kan, âk ding kan, n’hao rup ueh, nău dơi bâh Việt Nam đah âk dak lam ntur neh bâh Đảng n’hanh Ngih dak he.Gay ma n’hao nău way ơm 80 năm bâh Quốc hôị Việt Nam, Kruanh Quốc hội Trần Thanh Mẫn an gĭt. "Quốc hội an geh rgâl mhe lĕ rngôch, n’hao nău dơi lập pháp, uănh nđôi n’hanh ntrŭnh ăp nău kan khlăy bâh neh dak, ƀư tĭng nău leo kan bâh Đảng, Quốc hôị mbra geh hăn ndrel đah Chính phủ, MTTQ, ăp ntŭk kan tư pháp n’hanh lĕ ma trong kan chính trị gay ma mbơh tơih  săk rnglăy gay ma mbơh tơih săk rnglăy Hiến pháp n’hanh ăp luật, nghị quyết lĕ ntrŭnh. Nsrôih âk ngăn gay ma ƀư tĭng ueh Nghị quyết mbrô 66 lơ 30/4/2025 bâh n’gâng kan chính trị mpeh rgâl mhe nău kan rdâk njêng n’hanh ƀư tĭng pháp luật tâm di đah nău hun hao neh dak ta rơh rgâl mhe”.

Kruanh Quốc hôị an gĭt, Quốc hôị tâm rgop ƀư dơi Đaị hôị Đảng ăp gưl kan mpŏng tât Đaị hôị Đảng lam dak tal 14, ntĭm đă leo kan săch kruanh Quốc hội khoá 16 n’hanh Hôị đồng nhân dân ăp gưl năm kan 2026-2031.

Quốc hội mbra ƀư lôch ueh ăp nkô̆ nău bâh năm kan khoá 15, bôk nău kan rơh rƀŭn nchră tal 10 đah âk nkô̆ nău khlăy, tâm nĕ, Chính phủ nchrăp mbra geh ndơ̆ mbơh rlău 90 nkô̆ nău, geh 47 luật. Mpŏng tât nglôch lôch năm kan Quốc hôị khoá 15. Rdâk njêng trong mpŏng kan lập pháp năm kan Quốc hôị khoá 16.

Kruanh Quốc hôị Trần Thanh Mẫn lah na nê̆, Quốc hội lah tay na nê̆ nău kan, nău dơi lah ntŭk kan đaị biêủ gưl têh ngăn bâh ƀon lan ntŭk kan geh nău dơi dŭt têh ngih dak bâh dak Cộng hoà XHCN Việt Nam, an tâm di ngăch ăp trong kan tơm bâh neh dak ta rơh mhe.