Ôi 16/9, UBND n’gor Dak Lak ƀư rƀŭn nchră n’glôch jêh Bôk nău kan jut ngih rông mpông sat năm 2025. Nău mbơh ta Rƀŭn nchră an saơ, jêh bơi 8 khay mbơh ƀư, n’gor lĕ ndâk ƀư mhe n’hanh nkra rlău 8.900 mlâm jay an rnăk ach o, đah dĭng lĕ prăk bơi 698 rmen prăk.

Bí thư N’gor ủy Nguyễn Đình Trung mĭn lah, săk rnglăy aơ mô knŭng kơl hang rbăn rnăk đăp mpăn jay gŭ ma hôm trong mkra khlay gay đăp mpăn nău rêh jêng, nta an hun hao nâp nâl. Bí thư N’gor ủy Dak Lak đă ăp gưl, nău kan uănh tât tay trong kan đăp mpăn rêh jêng, ntop kơl joi naư rêh, nsrôih tât năm 2030 ntơm mô hôm geh rnăk ach o. Rơh aơ, kruanh n’gor Đồng Nai an 38 rmen prăk kơl Bôk nău kan jut ngih rông mpông sat n’gor Dak Lak.