Bâh nău uănh săm ji, ăp nai dak si geh saơ 39 nuĭh an geh săm play nuih, tâm nĕ geh 16 oh kon se mbra geh kơl săm mô sŏk prăk. Rlău ma nău uănh săm ji n’hanh nău rek săm, ăp nai dak si lĕ mbơh, ntĭm an ƀon lan mât săm săk soan an ueh, ndơ sa tâm di gay ma kơl an ăp oh geh săk jăn đăp mpăn ta năp n’hanh lôch geh săm. Bôk nău kan săm ji play nuih mô sŏk prăk geh ƀư âk năm ba năp, lĕ nsĭt tay nău geh hun hao ngăch ơm saơ n’hanh ngăch săm an rbăn nuĭh ji ta Gia Lai, ntop bah rnoh khĭt yor nău ji play nuih n’hanh nsĭt tay nău rêh ueh lơn an oh kon se ach o.