Kêng măng 11/11, ta Nghĩa trang liệt sĩ Chư Prông, UBND n’gor Gia Lai ƀư râng khĭt, njor n’hanh tâp 18 nting tahen khĭt ta tâm lơh tâm su mprơ Mỹ. Nar ƀư geh nău ntoh bah ntoh măt Trung ương, Quân khu 5, Bộ Tư Lệnh Binh đoàn 15, kruanh n’gor ndrel âk cán bộ, tahen n’hanh nuĭh ƀon lan ta ntŭk.

Ntoh ngơi ta ƀư njor, Groi Kruanh UBND n’gor Nguyễn Thị Thanh Lịch mĭn lah Gia Lai lah ntŭk khlay đah âk rơh tâm lơh hô kơt Pleime, Ia Drang, Ia Boòng, Ia Mơr, Ia Puch... Nting mham bah ăp tahen lĕ rgop ƀư jêng lơh dăng yan puh 1975, kơp dơn neh dak. Nău joi, rgum, tâp tahen lah nău kan n’hanh nău rŏng bah Đảng, Ngih dak n’hanh nuĭh ƀon lan. 18 nting tahen rơh aơ dơi joi saơ bah lơ 9-15/10 ta ƀon Gà (xă Ia Boong), âk ntŭk hôm e mât bok wêr khĭt, bok ka su n’hanh ăp ndơ kơt jep cao su, mbang ao, net.