Ƀư tĭng nau kuăl jă bah Rmôt Kruanh Uỷ ban Trung ương MTTQ Việt Nam, kêng măng 25/11, wa Trần Thanh Lâm, Groi Kruanh Ban Tuyên giáo ndrel Dân vận Trung ương, hŏ pă 450 rkeh prăk bah rmôt cán bộ, đảng viên, nŭih pah kan bah Rnâng kan Tuyên giáo ndrel Dân vận Trung ương kơl an kônh wa geh nau khuch bah nkuăl dak lip băm. Pă rnoh pră kơl an tât Rnâng kan rgŏ jă rgop kơl an Trung ương, Groi Kranh Ban Tuyên giáo ndrel Dân vận Trung ương Trần Thanh Lâm nkoch, rơh rlau aơ, mih dak bŭk lơh khuch ngăn tât kônh wa ăp n’gor, ƀư ueh nuih n’hâm tâm kơl an “n’ha ueh nkŭm n’ha sat”, pă piăng ân ao, “yŭ bu kơt yŭ săk nơm” ndrel nau kuăl jă bah rmôt kan Kruanh Uỷ ban Trung ương MTTQ Việt Nam.

Rmôt cán bộ, đảng viên, nŭih pah kan bah Rnâng kan Tuyên giáo ndrel Dân vận Trung ương ŭch bah Rnâng kan rgŏ jă kơl an Trung ương njoăl nau rŏng bah nơm tât kônh wa tâm nkuăl geh dak bŭk lơh gay rgop nau tâm pă kơl an ăp nau jêr, nau roh hoach ma kônh wa mhe rlet rlau. Tât kêng măng 25/11, rnoh prăk đăng ký bah Rnâng kan rgŏ jă kơl an bah Trung ương rlau 2.088 rmen prăk./.